Anëtari i Kryesisë së PD-së, Belind Këlliçi, ka deklaruar mbrëmjen e sotme se ka marrë informacione mbi tenderin e klohrit të vitit 2016, përmes të cilit janë vjedhur 600 mijë euro.
I ftuar në emisionin ‘Krasta-show’ në Syri TV, Këlliçi tha se paratë janë vjedhur, kanë bërë sikur kanë hedhur klor në ujësjelllësin e Tiranës, ndërsa UKT drejtohej nga Redi Molla e Mariglen Qato.
“Këta kanë terrorizuar qytetarët e Tiranës, kanë terrorizuar qytetin e Tiranës”, tha Këlliçi. Ai u shpreh se nga moment kur nisi arrestimi i drejtorëve po ndodh një gjë positive, pasi po na mbërrijnë informacione mbi abuzimet e kësaj bande, mbi vjedhjet që kanë bërë.
“Unë dhe ekipi po ndjekim paratë që Erion Veliaj dhe banda e tij po vjedhin dhe i investojnë në biznese. Këtë nuk po bën SPAK sot, nuk po ndjek paratë”, tha Këlliçi.
Sipas tij, kjo histori nuk mund të mbyllet duke i vënë kapak me disa arrestime drejtorësh, që do të bëjnë 1 vit burg dhe më pas të marrin dhjetëra milionë euro.
