Nga Boldnews.al
Ka disa vende bosh për punë dhe çfarë pune, me aq shumë lekë sa rroga mund të të shërbejë vetëm si bakshish për kameriarët e restoranteve. Në Bashkinë Tiranë janë tre vende bosh, ndërsa dy vende pritet të hapen në ditët në vijim në Ministrinë e Ifrastrukturës dhe një tjetër nga Tatim Taksat… Drejtorët që ikin nuk shkojnë më larg se tek burgu 313… Megjithatë ka kaq shumë vende bosh për drejtorë sa mjafton që të plotësojnë kriteret e vendosura nga Bashkia Tiranë, ministritë përkatëse dhe kryeministria për të marrë postin e rëndësishëm. Nuk ka fare rëndësi aftësia profesionale apo shkollimi, por disa veçori të tjera. Janë të paktën 5 kritere që duhet të plotësojnë për tu bërë pjesë e elitës së Rilindjes. Po cilat janë ato?
1-Çdo kandidat, minimalisht duhet të ketë marrë pjesë në një fushatë elektorale për zgjedhjet lokale dhe qëndrore. Të ketë dhënë prova se blen vota, mashtron qytetarët për një vend pune, apo të ketë bërë sikur po u zgjidh punë ndonjë hallexhiu për legalizim shtëpie, apo çertifikatë pronësie të ndonjë ngastre toke. Gjithashtu të jetë i aftë për shpërndarjen e sa më shumë pastimeve me deklaratat e Ramës dhe Veliajt. Po ashtu të ketë qenë aktiv me liket dhe sheret në rrjetet sociale. Shumë të preferuar janë të ashtëquajturit “kryepatronazhistë”, të cilët mbanin nën hyqëm shumë patronazhistë dhe tu ketë dalë fjala për votat që kanë premtuar.
2-Të dijë të vjedhë edhe trashë në shuma të mëdha dhe mundësisht nëpërmjet farës e fisit dhe shoqërisë të hapë kompani të shumta, duke bërë shitje dhe blerje fiktive. Më pas të jetë i aftë që paratë publike të qytetarëve t’i kalojë si tendera për kompanitë e tyre, pa harruar asnjëherë se çdo veprim që kryhet në trasnfertët e tenderave hisen e shefit të madh ta ketë lënë mënjanë. Ai nuk duhet t’ia japë rushfetin vetë shefit, por të gjejë mundësinë nëpërmjet “Mon Kukaleshëve” të shefit që shumat të shkojë në kontot e tyre bankare. Të preferuar janë ata kandidatë që marrin vesh nga skemat e parajsave fiskale. Akoma më preferencë është që të jenë femra, pa shumë “tru”, por me forma të mira trupore… Të kenë Instagram, të bëjnë jetë luksi dhe këtë ta quajnë si promovim i “bumit turistik” që vjen nga qeverisja e mirë e Ramës dhe Veliajt.
3- Kandidatët duhet të ruajnë sekretet, jo ato shtetërore, por ato që dëgjojnë e shikojnë kur kryhen afera korruptive. Së pari, fjalën korrupsion ata nuk duhet ta përmendin asnjëherë, përkundrazi, duhet të binden se ai është “haraç i meritur” për ta dhe shefat që kanë mbi krye, madje ta konsiderojnë si “të drejtë hyjnore” që i shërben Rilindjes për të blerë pushtet. Shumë të preferuar janë ata kandidatë që mendojnë se me para korrupsioni mund të blejnë edhe “parajsën” nëse paguajnë atje lart nëndorë…
4-Kandidatët para se të marrin detyrën duhet të kalojnë “testin e poligrafit”, ku pyetja kryesore do të jetë: “Nëse ndonjëditë për ndonjëlloj arsyeje, thirren në SPAK, a do përmendin emrat e shefave si persona që kanë pranuar ryshfet”? Përgjigja duhet të jetë e qartë, pa asnjë luhatje eletrograme… Çdolloj situate që në shoqëri zakonisht quhet “pervesitet” apo “orgji politike” ata nuk duhet ta quajnë të tillë, por të binden se kjo është një mënyrë e duhur argëtimi që u sjell relaks dhe mendje të kthjellët për të vjedhur sa më shumë gjithnjë për të zgjatur pafund jetën e pushtetit, me në krye atë të madhin fare.
5-Të jenë mendërisht të fortë, që nëse përfundojnë në burg ata duhet ta përballojnë me sukses dhe të japin prova se gjithnjë do akuzojnë opozitën si shkaktare të akuzave të pabaza, por në asnjëlloj mënyrë nuk duhet të thonë se SPAK-u ka akuza të pabaza, por duhet të shprehen specifikisht: “Fatkeqësisht SPAK u besoi përkohësisht akuzave të opozitës dhe kemi bindje që drejtësia do triumfojë dhe do dalim të pafajshëm”. Asnjëherë nuk duhet të mërziten me prokurorët e SPAK apo Gjyqtarët e GKKO-së edhe nëse kërkojnë dënim, sepse çdo sakrificë e tyre me pak muaj apo vite izolim, do të shpërblehet shumëfish sepse pasuritë jashtë nuk do u preken se kur të dalin do të bëjnë “pallë ariu”. Për të mos harruar kurrë se për pushtetin e drejtuesve të Rilindjes jo pak vite burgim, por edhe jetën të japin e idealet rilindase kurrë mos i shkelin. Aplikimet janë ende të hapura, kandidatët që plotësojnë të paktën 5 kriteret e mësipërme mund të paraqiten brenda dhjetë ditësh në Bashkinë Tiranë, Ministrinë e Infrastrukturës dhe Kryeministri!
Shënim: Ndalohet rreptësisht që të aplikojnë kandidatë me dinjitet dhe qytetarë të ndershëm që nuk kanë pranuar ndonjherë ryshfet!
