Kryetarja e Kuvendit, Lindita Nikolla vendosi përjashtimin e Lulzim Bashës, nga seanca plenare e kësaj të enjteje.
Shkak u bë këmbëngulja e Bashës për të vijuar ligjërimin nga foltorja e Kuvendit edhe pse kryeparlamentarja Nikolla i mbylli mikrofonin, me argumentin se po fliste jashtë procedurës.
“Jeni i përjashtuar për zaptim të foltores. Ju i dini rregullat e qarta të Kuvendi”, i tha Nikolla-Bashës, pasi e paralajmëroi disa herë që të lironte foltoren dhe të zinte vend në ulësen e tij në sallën e Kuvendit.
Pavarësisht vendimit, Basha vijoi mos lëvizë nga foltorja.
Në këto kushte, Nikolla vendosi të miratojë kërkesën e kreut të grupit parlamentar socialist për pesë minuta pushim.
Pas kësaj, Lulzim Basha u largua nga seanca plenare.
Minuta 02:29:00
