Eksperti i sigurisë rrugore Artur Sulçe ka folur lidhur me aksidentin tragjik që ndodhi mbrëmjen e kaluar në Tepelenë ku humbën jetën 4 personave dhe u plagosën 5 të tjerë, dy prej të cilëve në gjendje të rëndë.
Ai tha se kjo tragjedi mund të ishte shmangur nëse drejtuesit e mjeteve do të respektonin rregullat e qarkullimit rrugor. Duke parë skenën e aksidentit, eksperti i sigurisë rrugore evidenton 2 shkeljet që sollën këtë aksident, parakalimi i gabuar i kryer nga mjeti Benz dhe mos-ruajtja e distancës së sigurisë nga mjeti BMW-së.
“Parakalimi i shpejt bëhet për 7 sekonda dhe parakalimi normal bëhet për 14 sekonda. Që të bësh një parakalim të sigurt duhet që distanca e shikueshmërisë duhet të jetë 5x 80 pra duhet të ishte 400 metër. Aty është kthesë dhe ai ka hyrë në një distancë shikueshmërie shumë të vogël”, shprehet eksperti Artur Sulçe.
Pasojat e aksidentit u përkeqësuan edhe me tepër prej mosrespektimit të distancës së sigurisë nga mjeti BMW.
“Duhet të jetë katrori i të dhjetave. Pra nëse shpejtësia është 80 km/h. Atëherë distanca e sigurisë që duhet të kishte BMË me Toyot-ën duhet të ishin 64 metër, Fakti që ato janë përplasur tregon që nuk është ruajtur ajo distancë”, tha Sulçe për “TCH”.
Ngjarja ndodhi në aksin nacional Tepelenë-Gjirokastër, ku tre makina janë përplasur me njëra tjetrën, dhe viktimë mbetën: Riza Rrapaj 42 vjeç, Lavdosh Begaj 62 vjeç, Lefteri Begaj 57 vjeç, Afërdita Metaj 90 vjeç. Si dhe u plagosën rëndë: Jani Meta rreth 60 vjeç dhe Lavdie Meta, 61 vjeç.
