Policia ka dalë me një njoftim zyrtar lidhur me ngjarjen që ndodhi këtë të hënë në qytetin e Fierit, ku u vra me thikë një 19-vjeçar. Blutë njoftojnë se kanë arrestuar autorin e ngjarjes Florjan Muka.
Ngjarja ndodhi në bulevardin “Jakov Xoxa”, ku pas një sherri për motive banale të nisura në rrjete sociale 18-vjeçari Florjan Muka goditit me thikë Grei Bihucin, i cili ndërroi jetë në spital pak minuta pas ngjarjes.
Muka është shoqëruar për veprime të mëtejshme proceduriale.
Njoftimi i policisë:
Rreth orës 11:30, në bulevardin “Jakov Xoxa”, shtetasi F. M., 18 vjeç, gjatë një konflikti për motive të dobëta ka plagosur me mjet prerës (thikë), shtetasin G. B., 19 vjeç, i cili si pasojë e plagëve të marra ka humbur jetën në spital.
Në spitalin e Fierit është paraqitur për ndihmë mjekësore shtetasi O. S., 20 vjeç, i cili në momentin që ka ndërhyrë për të parandaluar përshkallëzimin e konfliktit është dëmtuar dhe ndodhet jashtë rrezikut për jetën.
Shërbimet e Policisë kanë kapur dhe shoqëruar në Polici shtetasin F. M, dhe po kryhen veprimet e mëtejshme procedurale.
Grupi hetimor nën drejtimin e Prokurorisë po punon për sqarimin e rrethanave dhe dokumentimin ligjor të rastit.
