Punonjësit e oligarkut, Pëllumb Salillari, po terrorizojnë banorët e Dimalit. Kështu kanë deklaruar vetë banorët e kësaj zone të cilët thonë se punëtorët e Salillarit kanë hyrë me forcë në pronat e tyre pasi kanë nisur gërmimet për vendosjen e paneleve diellore.
Në një denoncim për JOQ, ata thonë se punonjësit e kësaj firme dhe policia civile e ushtrisë, pa asnjë lloj dokumenti apo autorizimi, kanë prishur rrethimet e banesave të tyre dhe kanë nisur punën. Ndër të tjera shtojnë se oligarku pretendon se prona është e ushtrisë dhe se banesat që janë në proces legalizimi nuk preken pa vendim gjykate.
Banorët thonë se punëtorët dhe policia nuk kanë paraqitur asnjë shkresë ose dokument të firmosur që tregon arsyen e hyrjes pa leje dhe shkatërrimin e pronës.
Denoncimi i qytetarit:
“Pershendetje, Po ju shkruaj per te treguar qe midis Dimalit dhe Moraves , kompania Salillari kerkon te prishe shtepite e banoreve qe jetojne aty me justifikimin se eshte prone e ushtrise. Keto familje kane jetuar aty per 30 vjet dhe jan taksa pagues te rregullt, kane vite qe jane ne proces legalizimi. Vitin e kaluar kane hapur dhe proces gjyqesor po asnje nga palet e thirrura ministria e brendshme dhe ushtria nuk jane paraqitur. Sot skrepi i Salillarit ka vajtur per te prishur nje nga shtepite edhe pse eshte ne process gjygjesor dhe me ligj pa dale vendimi i gjyqit nuk duhet te preket prona.
Per me teper Salillari ka vjedhur harten nga aviavioni ne Kucove dhe ka filluar te bej planet e veta. Familjaret kan komunikuar me media po asnje nuk ka kthyer pergjigje. Te gjithe e dime sa fuqi ka Salillari ne Shqiperi dhe keto familjare qe kan jetuar gjithe jeten aty kane me muaj qe jane te stresuar.
Kane hyre pa asnje dokument ne keto banesa dhe vazhdojne punen normalisht. Video eshte bere ne Dimal/ Ura Vajgurore. Punetoret e Salillarit hyne dje me force ne pronen e banoreve, prishen rrethimin dhe sot filluan punen. Nga dita e djeshme nuk kam video per momentin sepse njerezit po perpiqeshin ti ndalonin po nuk paten sukses.
Pa asnje dokument per hyrje ne prone policia e ushtrise dhe civile se bashku me punetoret e Salillarit thone kemi urdher te vijm te prishim. Nuk eshte paraqitur asnje shkrese ose dokument i firmosur qe tregon arsyen e hyrjes pa leje dhe shkaterrimin e prones.
Salillari kerkon te ndertoje panele diellore Ne daten 18 Janar eshte kerkuar mbrojtje nga gjykata por sic edhe shkruhet ne kerkese eshte bashkangjitur me padine dhe nuk nje vendim mbrojtje.”
