Një 27-vjeçar është vënë në pranga nga Policia pasi dyshohet se përshtati dhe përdori mjedisin e lokalit të tij për shitje dhe përdorim droge. Krahas arrestimit të pronarit të lokalit, Policia ka nisur procedim edhe për një nga klientët.
Sipas uniformave blu, gjatë kontrollit të ushtruar në lagjen nr. 18, në lokalin në përdorim të 27-vjeçarit, gjetën doza të lëndës së dyshuar narkotike kokainë, si dhe mjete të tjera mbi banakun e lokalit, të cilat përdoreshin për përgatitjen e lëndës narkotike. Gjithashtu, shtetasit tjetër N. K., iu gjet një cigare me lëndë të dyshuar cannabis.
“Si rezultat i kontrolleve intensive të kryera në kuadër të megaoperacionit policor mbarëkombëtar, antidrogë, të koduar “Tempulli”, specialistët e Seksionit për Hetimin e Narkotikëve të DVP Korçë, me mbështetjen e informacioneve të siguruara nga inteligjenca informative, për një shtetas që dyshohej se kishte përshtatur lokalin e tij, për përdorim droge dhe shpërndarje të lëndës narkotike në qytetin e Korçës, organizuan punën me qëllim kapjen dhe vënien e tij përpara përgjegjësisë penale.
Si rezultat, u arrestua në flagrancë shtetasi N. K., 27 vjeç, banues në Korçë, si dhe u referuan materialet në Prokurori ku filloi procedimi në gjendje të lirë për shtetasin N. K., 28 vjeç, banues në Korçë.
Shërbimet e Policisë, gjatë kontrollit të ushtruar në lagjen nr. 18, në lokalin në përdorim të 27-vjeçarit, gjetën doza të lëndës së dyshuar narkotike kokainë, si dhe mjete të tjera mbi banakun e lokalit, të cilat përdoreshin për përgatitjen e lëndës narkotike. Gjithashtu, shtetasit tjetër N. K., iu gjet një cigare me lëndë të dyshuar cannabis.
Në cilësinë e provave materiale u sekuestruan sasitë e lëndëve narkotike, mjetet për përgatitjen e dozave dhe një shumë parash e dyshuar e përfituar nga kjo veprimtari.’– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
