Një 43-vjeçar është arrestuar në fshatin Bërxullë pasi është kapur duke mbajtur pa leje një armë zjarri në banesën e tij.
Sipas policisë, gjatë kontrollit të ushtruar në banesën e Juljan Konit, u gjet një pistoletë me krehër dhe 7 fishekë, të cilat u sekuestruan në cilësinë e provës materiale.
Arrestimi i tij u bë pas kontrolleve të kryera nga blutë mbrëmjen e kaluar në zonën e Bërxullës, pas vrasjes së 50-vjeçarit Edmond (Ali) Sula.
Për momentin, autoritetet bëjnë me dije se 43-vjeçari nuk lidhet me ngjarjen e vrasjes, ndërsa hetimet dhe verifikimet vijojnë.
Materialet procedurale i janë referuar Prokurorisë së Tiranës për veprime të mëtejshme, ndërsa ndaj Juljan Konit rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”.
