Nga Boldnews.al
Disa javë më parë, Bashkia e Tiranës bëri një tender rreth 600 mijë euro për “ahengjet”. Denoncimi u bë nga redaksia e BoldNews.al, i cili hidhte dritë mbi shpenzimet marramendëse të një bashkie me fondet publike.
Në fakt nuk janë para’ për mallra, shërbime apo edhe ndërtime. Por janë para për propaganda të kota apo koncerte me këngëtarë të famshëm. Këto para’ jepen për të njëjtët individë apo edhe firma që “fitojnë” gjithmonë procedurat e hapura. Dhe s’ka si të ndodhë ndryshe edhe kësaj herë. Por, ajo që bie në sy në gjithë këto tendera të hapura, është kostoja e lartë e tyre.
Përse po shpenzohen miliona euro vetëm për koncerte? Kur në këto koncerte apo “festa” personazhet kryesore janë vetëm politikanët. Këto para’ po përdoren për të ashtuquajturën “lavazh truri”, ku nga njëra anë bëhet një skenë me drita dhe performohen disa këngë dhe nga ana tjetër merren vendime në dëm të qytetarëve të Tiranës, të cilët ngrihen dhe ngrysen me ndërtime pallatesh pranë shtëpive, shkollave, spitaleve, qendrës apo edhe periferisë. Janë prishur me dhjetëra parqe dhe në vend të tyre kanë “mbirë” kulla të mëdha.
Sipas dokumenteve që disponon redaksia e BoldNews.al, Bashkia e Tiranës ka hapur dy procedura të ndryshme. E para është me objekt “blerje shërbimi për aktivitete të ndryshme për Bashkinë Tiranë”, minikontrata 12. Vlera e kësaj procedurë është 31.738.800 lekë. Bëhet fjalë për “shërbime të organizimit të eventeve” dhe “shërbime të organizimit të eventeve kulturore”.
Ndërkohë, është hapur edhe një procedurë e dytë me objektit të procedurës së prokurimit “blerje shërbimi për aktivitete të ndryshme për Bashkinë Tiranë”, minikontrata 10. Këtë herë, fondi limit është 24.041.400 lekë dhe sërish kërkohen “shërbime të organizimit të eventeve”. Në total, shuma shkon në 550 mijë euro. Por, disa javë më parë, BoldNews.al publikoi një dokument për hapjen e procedurës për një tender 600 mijë euro për të njëjta shërbime.
“Ahengjet” e Veliajt na kushtojnë 600 mijë euro; Pastrim parash apo propagandë komuniste?!
Disa ditë më parë, BoldNews.al publikoi një shkrim për shpenzimet e Veliajt për “ahengjet”. Tenderi i hapur disa javë më parë ishte me objekt “blerje shërbimi për aktivitete të ndryshme për Bashkinë Tiranë” me një fond limit 50.000.000 lekë, ose mbi 500 mijë euro. Tenderi tjetër i bërë në nëntor ishte “artikuj të ndryshëm për evente”. Kësaj herë, tenderi u bë nga Ndërmarrja e Dekorit dhe Eventeve Tiranë, me një vlerë 8.000.000 lekë. Pra vetëm me dy duar, Veliaj po shpenzon plot 600 mijë euro për këto eventet.
Në muajin korrik të vitit të kaluar, Bashkia e Tiranës hapi një super tender për “evente”. Synimi ishte që këto para’ të përdoreshin para fushatës dhe zgjedhjeve të prillit të vitit 2023. Në atë kohë objekti i tenderit ishte “blerje shërbimi për aktivitete të ndryshme për Bashkinë Tiranë”. Ndërsa fondi limit 83.333.175 lekë pa TVSH, ose me TVSH rreth 1 milionë USD.
Tashmë, megjithë këto para, presim sa do të jetë vlera e tenderit të radhës.
