Drejtori i Përgjithshëm i Policisë së Shtetit, Muhamet Rrumbullaku ka firmosur disa ndryshime brenda radhëve të uniformave blu.
Mësohet se Altin Lila, nga shef i Komisariatit nr.3 në Tiranë, do të jetë në krye të Komisariatit nr.1 duke zëvendësuar në këtë post Petrit Halën. Ky i fundit do të emërohet në Librazhd.
Po ashtu, Luan Hyseni është transferuar në Elbasan. Në vend të tij është emëruar shef i komisariatit 4 Sali Skura, kunati i prokurorit të SPAK Vladimir Mara.
Ndryshime dhe në komisariatin nr.3 ku është emëruar Bledar Rreshka, ish-shefi i Antidrogës në Tiranë dhe së fundmi në Elbasan.
Ish-drejtori i AMP Tiranë, Arben Caka është emëruar drejtor i Kufirit në Durrës.
Në Tiranë nuk kanë ndryshuar shefat e komisariateve nr. 2, 5 dhe 6 ku së fundmi kanë ndodhur një sërë ngjarjesh të rënda si grabitje me armën e shkëmbim zjarri. Ngjarje këto që kanë mbetur të pazbardhura
Ndryshime ka patur edhe në rrethe.
