Nga Boldnews.al
Kriminalizimi i skajshëm i drejtuesve të policisë së Shetit, deri në atë masë sa nuk ndahet dot ku nis krimi e ku mbaron “luftuesi i krimit”, është bërë aq i thellë sa po tentohet të “vetëpastrohen” me formular. Kaq e thjesht paska qenë. Plotëso një formular dhe më pas rri i qetë…
Në këtë vazhdë është edhe nisma e Ministrit të Brendshëm Taulant Balla, i cili ka miratuar urdhrin e posaçëm që ka të bëjë me vetëdeklarimin e të gjithë punonjësve të Policisë së Shtetit, AMP dhe Gardës së Republikës, nëse kanë përdorur aplikacionet SKY apo Encro Chat.
Të gjithë punonjësit e policisë, përfshi edhe ata të nivelit të lartë do të plotësojnë formularin nëse kanë përdorur ose jo aplikacionet e komunikimit telefonik, të shfrytëzuara gjerësisht nga grupet kriminale, por fatkeqësisht këtu në vendin tonë edhe nga policia, biznesi i majmur në veprimtari të paligjshme, politika dhe drejtësia.
Por pavarësisht mjergullës së dendur që inskenohet në “platformën kriminale” të propagandës shtetërore, një nismë e tillë është e destinuar të dështojë që në nisje. Në udhëzim, në pikën b) të saj thuhet se: “Pasqyrimi i të dhënave të rreme në këtë formular përbën shkak për përjashtimin nga detyra”. Vetëm kaq do të jetë masa dhe nuk do të aplikohet denoncimi në strukturat e drejtësisë për të marrë të dhënat e punonjësit të policisë dhe hetuar se me kë ka kamunikuar, kur dhe për çfarë rastesh.
Vlerë ky formular do të kishte po të saktësohej se nëse do të zbulohet se zyrtari policor ka bërë deklarim të rremë në formular, atëherë do të ndiqet penalisht. Nëse do të bëhej në këtë mënyrë, atëherë çdo efektiv do të matej mirë para se të deklaronte të dhëna të rreme.
Në fakt e gjitha është një tentativë për të krijuar perceptimin e rremë publik se qeveria e ka seriozisht për të larguar punonjësit e policisë të inkriminuar në veprimtari të paligjshme. Tre vite më parë kryeministri Rama mblodhi krerët e policisë dhe u la 100 ditë kohë që të “lanin mëkatet”, duke kërkuar vetëpastrim në radhët e strukturave të rendit. Dhe kuajt ia kërkoi këtë?
Paradoksalisht, kryepolic ishte Ardi Veliu, i cili jo vetëm nuk pastroi gjë, por grumbulloi edhe më shumë “hirin toksik” që dilte nga bashkimi krim-polici. Tashmë edhe Veliu ka dhënë dorëheqjen nga Agjencia e Mbikëqyrjes Policore, pikërisht në momentin kur u përhap dendur lajmi se po dilnin ca emra drejtuesisht policorë që kishin komunikuar në dy platforma me grupe kriminale, apo llimin e korrupsionit në piramidën e lartë qeverisëse.
