Teksa Partia Demokratike po kërkon me ngulm ngritjen e Komisioneve Hetimore për abuzimet me koncesionet në shëndetësi apo ndërhyrjen në sistemin TIMS, duket se kryeministri Edi Rama ka vendosur t’i heqë fare opozitës këtë të drejt, ose më sakt të lejojë ngritjen e komisioneve hetimore por pa synimin e tyre real.
Deputetja Ermonela Felaj depozitoi ditën e sotme në kryesinë e Kuvenditnë emër të PS-së nismën ligjore për ndryshime në ligjin për Komisionet Hetimore, për të cilën tha se “koha nuk pret” duke e kërkuar me urgjencë.
Gjatë fjalës së saj, Felja la të nënkuptohet se me ndryshimet ligjore kërkojnë që Kuvendi të mos marrë tagrin e hetimit, pasi sipas saj, ky është një ekskluzivitet i Gjykata dhe Prokurorisë dhe së dyti, nuk mund të thërrasin këdo si dëshmimtar. Sipas saj, Kuvendi nuk mund të pretendojë që përpara tij të sjellë një person që shfaqet si person nën hetim apo të sjellë një person që trajtohet si akuzuar, sepse sipas saj, ka tejkaluar kompetencën e vet kushtetuese.
E pyetur në lidhje me pjesëmarrjen e opozitës, Felaj tha se ka kërkuar që të jenë anëtarët e opozitës, por askush nuk ka dashur që të ulet në tryezë.
“Gjatë ditës së sotme në emër të grupit të PS kam depozituar në Kuvend nismën për disa shtesa dhe ndryshime për funksionimin e Komisioneve Hetimore. Ky është produkt i një pune disa mujore, që në krye të herës është folur nga të gjithë anëtaret e Kuvendit, përfaqësues të opozitës apo mazhorancës. Nga të dy përfaqësuesit qoftë të mazhorancës qoftë të pakicës në përfundimet e raporteve për komisionin hetimor të inceneratorëve përfaqësuesit kanë kërkuar rishikmim të ligjit.
I bëmë thirrje opozitës për rishikimin e ligjit për komisionet hetimore, por thirrja jonë ra në vesh të shurdhet sepse opozita ka mbetur të ai produkti i një anshëm pune. Jemi kujdesur që të analizojmë të gjitha praktika më të mira ligjore, të vendeve të rajonit dhe BE-së dhe jo vetëm sa i takon komisioneve hetimore. Ligji për komisionet hetimore është marrë për model ligji gjerman. Ligji gjerman nuk është marrë i plotë. Ka pasur mangësi të dukshme.
Është njohur e drejta e ngritjes së Komisioneve Hetimore si e drejtë e opozitës, por nuk është një e drejtë e pakufizuar. ¼ e deputetëve të Kuvendit kanë të drejtë të propozojnë ngritjen e një komisioni hetimor. Ligji i vitit 2002 ka qenë ligji që ka detajuar këtë kërkesë për të drejtat e pakicës. Kam kërkuar që anëtarët e opozitës të mund të përfaqësoheshin në komisionin Ad-hock. Unë i kam ndjekur me vëmendje edhe qëndrimet e anëtarëve të opozitës dhe nuk më rezulton që dikush aty të ketë dashur që të ulemi në një tryezë punë dhe të punojmë me një tryezë të përbashkët. Koha nuk pret. Këtë duhet ta diskutojmë me të trija nisma, një e Tabakut dhe ajo e Spahos. Puna e komisioneve hetimore ka dalë jashtë kornizave të Kushtetutës së Shqipëri. Ne duam të bëjmë një ndarje të qartë që mos të zëvendësojmë punën e prokurorisë dhe të Gjykatës.
Hetimi parlamentar do të duhet të mbetet e tillë, nuk njëjësohet me atë të organeve hetimore. Nuk mundet kurrsesi ta marrë këtë ekskluzivitet Kuvendi i Shqipërisë. Kushtetuta e lejon hetimin e një çështje. Të jetë një ndarje e qartë të mos shndërrohet Komisioni Hetimor në organin që nuk është. Deputetët e këtyre komisioneve parlamentare në një mënyrë apo tjetër janë ndjerë të lirë.
Ka disa parakushte për të thirrur një dëshmitar, konsiderohet ai që ka dijeni mbi çështjen. Kuvendi nuk mund të pretendojë që përpara tij të sjellë një person që shfaqet si person nën hetim apo të sjellë një person që trajtohet si akuzuar. Në këtë moment Kuvendi e ka tejkaluar kompetencën e vet kushtetuese për të ngritur komisione hetimore, kemi vendosur disa garanci në fakt në drejtim të pyetjes së dëshmitarëve.
Nuk mund të abuzohet me këto instrumente, në Bundestagun gjerman nuk ndodh që të thirren dëshmitarë që janë të kauzës penale pa marrë lejen e prokurorit. ndërkohë në ligjin tonë nuk gjejmë garanci për dëshmitarin, do i siguronin në vetvete prezumimin e pafajësisë, respektimin e procesit të rregullt ligjor, disa para që gjykata Kushtetuese në nominon në të gjitha vendimet e saj duke thënë se nuk po respektoheshin.
Edhe pse është thënë që do të zbatosh kodin e procedurës penale, nuk besoj këtu që dikush ta pretendojë se deputetët të njohin kodin e procedurës penale pa qenë të atij backround.
Nuk mundet disa gjëra ligji duhet t’i shkruajë. Nuk ka penalitete në ligj në rast se shkel këto parime. Deputetë që kanë qenë anëtarë të Komisoneve parlamentare në një mënyrë apo tjetër janë ndjerë të lirë të tejkalojnë parime të rëndësishme që i vlejnë procesit dhe faktit se çfarë kërkon të marrësh nga këto procese.” – u shpreh Ermonela Felaj.
