Dy fëmijë të moshës 5-vjeçare kanë përfunduar në QSUT në Tiranë. Sipas policisë, dyshohet se ata janë lënduar gjatë qëndrimit në kopsht.
“Në QSUT janë paraqitur për ndihmë mjekësore, dy shtetas të mitur të moshës 5 vjeç, të cilët dyshohet se aksidentalisht janë rrëzuar në kopshtet që ata frekuentojnë, njëri në rrugën ‘Androniqi Antoniu Zengo’ dhe tjetri në rrugën ‘Irfan Tomini’. Materialet për këto dy raste i kanë kaluar Prokurorisë, për vlerësim”, njoftoi këtëtë premte policia e kryeqytetit.
Disa javë më parë, një raportim mediatik zbuloi dhunimin e një vajze të mitur në një kopsht privat në kryeqytet. Rasti zbuloi një sërë shkeljesh zinxhir në institucione, që nga mos pajisja e kopshtit me licencë të posaçme e deri të mos hetimi i rastit nga policia. Të tjera denoncime pati në media për dhunë ndaj fëmijëve në kopshte pas këtij rasti.
