Dy fëmijë janë dëmtuar ditën e djeshme në kopsht dhe çerdhe.
Autoritetet policore raportojnë se një i mitur 4 vjeç është paraqitur në spital për të marrë ndihmë mjekësore. Sipas deklarimeve të prindërve, ai është dëmtuar duke luajtuar me një bashkëmoshatar, në një kopësht në rrugën “Peti”.
Ndërkohë, ditën e djeshme është paraqitur në spital për të marrë ndihmë mjekësore dhe një e mitur 2-vjeçare. Mësohet se ajo është dëmtuar në pjesën e krahut, teksa frekuenton një çerdhe në rrugën “Dalip Zavalani”.
Policia e Tiranës bën me dije se ka nisur hetimin për rastin dhe kanë sekuestruar DVR-në me pamjet filmike të çerdhes që frekuenton e mitura.
Materialet i kanë kaluar Prokurorisë së Tiranë për veprime të mëtejshme procedurale.
Vlen të theksohet fakti se ky reagim i Policisë vjen pas ngjarjes që tronditi opinionin publik, ku edukatorja Majlinda Dehima në kopshtin “Stinët” tek Ali Demi dhunoi një vajzë 3-vjeçare duke i thyer këmbën. Institucionet reaguan vetëm pasi ngjarja u denoncua në media, teksa u zbuluan një sërë paligjshmëri.