Dy të rinj janë arrestuar në Shkodër, pasi akuzohen për vepra të ndryshme peanale.
Blutë bëjnë me dije se në pranga ka rënë 32 vjeçari, Jetlum Murçaj, pasi Gjykata e Apelit e ka dënuar me 3 vjet e 4 muaj burgim, për veprën penale “Prodhimi dhe shitja e narkotikëve”, nga të cilat i kanë mbetur për të kryer 2 vjet, 7 muaj e 28 ditë.
Po ashtu në pranga ka rënë edhe një 24 vjeçar, banues në fshatin Grudë e Re, ndaj të cilit ishte dhënë masa e sigurisë ‘arrest me burg’. Siç njofton policia, ndaj Agostin Tonaj, Gjykata e Tiranës kishte caktuar masën e sigurisë “Arrest në burg”, për veprën penale “Ndihma për kalim të paligjshëm të kufijve”.
