Parlamenti i Singaporit ka miratuar një ligj, i cili prezanton rrahjen me shkop si ndëshkim për mashtruesit. Vendi po merr masa për të goditur krime të tilla. Sipas ligjit të ri, mashtruesit, anëtarët e bandave dhe ata që rekrutojnë anëtarë të rinj do të ndëshkohen me gjashtë deri në 24 goditje me kamzhik.
Ata që shpallen fajtorë për lehtësimin me vetëdije të mashtrimit, duke ia dorëzuar llogaritë e tyre bankare ose informacione të tjera sindikatave të krimit, mund të dënohen gjithashtu deri në 12 rrahje me kamzhik. Megjithatë, kjo i lihet në dorë gjykatës.
Mediat e huaja shkruajnë se dënimet e ashpra synojnë të pengojnë mashtrimin, i cili është forma më e përhapur e krimit në Singapor. Ministrit të Punëve të Brendshme Sim Ann, la të hapur mundësinë e rritjes së ndëshkimeve në të ardhmen.
Mashtrimi përbën 60% të krimeve të regjistruara, me 190,000 incidente nga viti 2020 deri në gjysmën e parë të vitit 2025. Kjo duke u kushtuar viktimave deri në 2.5 miliardë euro. Përdhunimi dënohet me të paktën 12 goditje, trafikimi i drogës dhe fajdeja dënohen gjithashtu me rrahje me kamzhik në Singapor.
