Tre shtetas (vëllezër), janë arrestuar ditën e sotme në Pogradec, pasi akuzohen se kanë plagosur një tjetër shtetas.
Blutë bëjnë me dije se në pranga kanë rënë E. B., 28 vjeç, A. B., 20 vjeç dhe E. B., 25 vjeç (vëllezër), pasi në bashkëpunim me njëri-tjetrin për shkak të një konflikti të çastit kanë plagosur me thikë një 29 vjeçar.
“Më datë 10.10.2023, rreth orës 14:30, në lagjen nr. 1, Pogradec, tek ish-tregu, gjatë një konflikti për motive të dobëta shtetasit E. B., 28 vjeç, A. B., 20 vjeç dhe E. B., 25 vjeç (vëllezër), dyshohet se kanë dëmtuar me mjet prerës në trup shtetasin G. D., rreth 29 vjeç, banues në Pogradec, i cili u dërgua për mjekim në spitalin e Pogradecit.
Në ambientin e Komisariatit ndodhen të shoqëruar autorët e dyshuar të ngjarjes, për veprime të mëtejshme procedurale”,- njofton Policia.
Grupi hetimor po punon për sqarimin e rrethanave të ngjarjes.
