“Ju mund ta quani edhe president të Amerikës, por Basha nuk është kryetar për 50 mijë demokratë nuk është kryetar që prej dy vitesh”. Kështu u shpreh në A2 CNN deputeti demokrat Edi Paloka, sipas të cilit edhe legjitimitetin që i dha Rama, Basha e hodhi në plehra.
“Rama e mbajti përmes gjykatës e mbajti me titullin kryetar, por si gjeni që është e prishi edhe vetë. Shkoi edhe u fut në farsën për t’u zgjedhur dhe atë legjitimitet që i dha Rama, jo demokratët, e hodhi në plehra”.
Duke e konsideruar Bashën si personazhin më qesharak të 30 viteve, bazuar edhe në aktin e fundit të kreut demokrat, atë të përjashtimit të 11 deputetëve, Paloka tha së në bashkëpunim me Ramën do ta mbajë parlamentin me tensionin e përplasjes së PD. Sipas tij parlamenti nuk merret me statutet e partive, por me rregulloren.
“Një nga qëllimet përveç ndihmës që i jep Ramës është edhe kjo që për të thënë Bardhi dikur ka qenë me mua dhe ka përjashtuar deputetë dhe tani është me ata që ka përjashtuar. Bardhi ka ndryshuar pozicion. Ka kuptuar kush është Basha, e ka kuptuar vetë. Ajo që bëri Basha është mbajtja e parlamentit në tensionin e përplasjes së PD, në parlament diskutohet më shumë kush duhet të udhëheqë grupin e PD, sesa dhjetëra skandalet e çështjet e rëndësishme. Lul Basha i ngre topin Ramës që ne të merremi nja dy orë. Hilja alla Rama për ta implikuar edhe Gaz Bardhin. Qëllimi kryesor është të mbajë parlamentin me tension”.
I pyetur sesa deputetë ka Basha në parlament, Paloka tha se janë vetëm 10, ndërsa grupi i PD, sipas tij ka 53 deputetë aq sa kanë dalë nga zgjedhjet e 2021-it.
“Grupi i PD ka që nga dita e parë në parlament 53 deputetë aq sa kanë dalë nga zgjedhjet e 2021 dhe janë deklaruar në parlament se rregullorja e parlament zbaton rregulloren jo statutet e partive. Nuk merret parlamenti me statutet e partive. Nuk të përjashton askush nga grupi, vendos grupi dhe jo mbledhjet e partive. Ka 10 deputetë Lulzim Basha. Nuk e di pse ka vendosur që të bëhet politikani më qesharak i këtyre 30 viteve”.
Ai nuk e quan legjitim kuvendin e 2 shtatorit të Lulzim Bashës, pasi nuk kishte delegatë, por socialistë dhe qytetarë.
“Kjo që po ndodh është bashkëpunim i Bashës me Ramën që ta mbajë këtë situatë. Unë personalisht nja dy miq i kam e mbledh kongresin e PS dhe zgjidhem kryetar i PS dhe i grupit të PS. Ju keni dyshime se aty ishin delegatët e kuvendit. Aty delegatë nga kuvendi i Bashës me 5 mijë delegatë ishin maksimumi 100. Ishte gjysma e bashkisë së Kamzës aty. Vetëm kuvend nuk mund të quhet ai. Vulën 500 lekë bën, edhe vulën e CIA-s e bën, mjafton të kesh qeverinë me vete dhe drejtësinë”.
