Janë zbardhur detaje të reja nga krimi i rëndë i regjistruar mbrëmjen e djeshme në fshatin Hot i Ri në Shkodër, ku u ekzekutua me breshëri kallashnikovi 33-vjeçari Valter Fierza, pas një konflikti të çastit
Burime bëjnë me dije se policia ka identifikuar autorin e ngjarjes dhe po punon për kapjen e tij. Mësohet se autori dhe viktima ishin fqinj me njëri-tjetrin. Burime bëjnë me dije se fillimisht konflikti ka nisur mes vëllait të viktimës Kolë Fierza dhe autorit të dyshuar të vrasjes. Këta dy persona kanë debatuar me njëri-tjetrin për një parkimin e një automjeti në arë.
Fillimisht debati ka nisur në një lokal afër banesave lidhur me parkimin duke pretenduar se është bllokuar rruga. Rreth një orë pas këtij debati, konflikti ka vijuar mes viktimës Valter Fierza dhe autorit të dyshuar. Pas debatit autori, që është edhe komshi me 33-vjeçarin ka marrë armë automatik kallashnikov dhe e ka qëlluar duke e lënë të vdekur në vend.
Pas breshërisë së kallashnikovit, ka dalë menjeherë, vëllai i viktimës, duke e gjetur 33-vjeçarin të ekzekutuar në mes të rrugës, afër makinës së tij. Pas vrasjes autori i dyshuar është larguar në drejtim të paditur.
Forca të shumta policie mbërritën në vendin e vrasjes bashkë me drejtorin e policisë vendore të Shkodrës Ervin Hodaj. Pas informacioneve të siguruara nga vëllai i viktimës Kolë Fierza dhe banorëve të tjerë është arritur që brenda një kohe të shkurtër të identifikohet autori i cili u shpallur në kërkim.
Mësohet se viktimaValter Fierza bënte një jetë të qetë dhe nuk njihej si person problematik në atë lagje. Viktima dhe autori i dyshuar janë komshinj prej shumë vitesh dhe njiheshin me njëri-tjetrin.
Burime bëjnë me dije se debati mes vëllait të viktimës dhe autorit ka qenë i çastit dhe sipas informacioneve të deri tanishme më përpara palët nuk kanë pasur ndonjë debat apo konflikt në të kaluarën. Policia vijon hetimet për zbardhjen e plotë të kësaj ngjarje të rëndë.
