Një vit më parë kur garancia “pandëshkueshmërisë i erdhi fundi” ishte një refren në Shqipëri. Nuk e besonte të njëjtën gjë Lulë Zefi, një 67-vjeçare, e cila pasi priti për vite me radhë drejtësi iu drejtua Malit të Zi me një denoncim të rralë.
Ajo kallëzoi në prokurorinë e lartë të Podgoricës, Pëllumb Gjokën duke treguar se kishte dyshime që ai merrej me çështje droge, e duke kërkuar se duhej hetuar për pastrim parash. Por, çështja qëndroi në prokurorinë e kryeqytetit për një vit me radhë pa asnjë drejtim, derisa sa një letër porosi e erdhur nga Franca, nxorrën në dritë emrin e Gjokës, aktualisht i arrestuar edhe me zyrtarë të tjerë të prokurorisë, por edhe të Policisë.
Në fashikullin që Tch disponon, rezulton se emri i biznesmenit i lidhur me Bajrat, iu referua Prokurorisë së Tiranës nga Mali i Zi në datën 11 tetor 2022 për t’u hetuar për prodhim, mbajtje dhe vënie në qarkullim të pautorizuar të lëndëve narkotike. Denoncuesja ju citon mediat malazezëve, që gjatë vitit 2016 lakonin në Shqipëri emrin e Gjokës për trafik hashashi nga laguna e Vilunit në Velipojë me destinacion Malin e Zi e më pas Italinë. Një informacion ky që konsideronte si lidhje të të dyshuarit disa zyrtarë policie të tetë viteve më parë.
Jo zyrtarisht, prokuroria e kryeqytetit konfirmon se nuk ka qëndruar duarlidhur dhe se ka kryer një seri kërkimesh ndaj pasurive të biznesmenit Gjoka, ku dhe ka konstatuar nga përgjigjet e Policisë se ai nuk rezultonte të kishte qenë i dënuar për çështje droge, megjithatë, tani që emri i tij doli sërish, kjo dosje pritet të referohet pranë SPAK ku do të listohen të gjitha asetet pasurore të tij.
Megjithatë SPAK po e heton Gjokën së bashku me Behar Bajrin, Ervis Martinajn dhe 13 të tjerë duke nisur nga akuzat më të rënda të vrasjes deri tek korrupsioni ndaj zyrtarëve të prokurorisë dhe të policisë. Kjo dosje, e cila konsiderohet si “Kutia e Pandorës” u çel mbasi e njëjta qytetare në 16 janar 2023 kishte dërguar kallëzim me postë duke kallëzuar se një grup kriminal ku ishte edhe Gjoka i kishin marrë pronat në mënyrë të paligjshme. Por pikat mbi I u vunë nga zbardhja e bisedave në aplikacionin SKY , ku një rrjet njerëzish të krimit dhe të ligjit ishin bërë bashkë duke i shërbyer njëri-tjetrit./Tch
