Ish-ministri i Drejtësisë, Ylli Manjani ka reaguar i revoltuar ndaj kompanisë së fluturimeve “Wizz Air”, pas shërbimit skandaloz që ka marrë nga kjo e fundit.
Në një postim në rrjetet sociale, Manjani shkruan se mbrëmjen e djeshme është anuluar fluturimi me “Wizz Air” i linjës Athinë-Tiranë, teksa shton më tej se pasagjerët janë trajtuar në mënyrë ç’njerëzore dhe sipas tij, kjo është e papranueshme.
Manjani bën me dije se pasi “Wizz Air” e kishte anoncuar dy herë shtyrjen e fluturimit, rreth orës 12:00 të natës avioni imbarkohet, por nuk niset megjithse me pasagjerë në bord. Ai shton më tej se pas dy orësh, iu është bërë me dije se avioni nuk niset, teksa pasagjerët janë kthyer sërish në aeroport dhe janë lënë në mes të katër rrugëve, pa akomodim dhe pa asnjë informacion se ç’do të ndodhë me ta.
Ai shprehet se kjo gjë i ka ndodhur familjarëve të tij dhe se nuk mund të tregojë asnjë mirkuptim ndaj kësaj kompanie që ofron shërbim ç’njerëzor.
Postimi i plotë i Ylli Manjanit:
Wizzair? Never ever again!
Kurrë më! Asnjëherë!
Mbrëmë, avioni i linjës Athinë-Tiranë nuk u nis. Që fluturimet anulohen kjo ndodh, por që pasagjerët të trajtohen ç’njerzisht kjo është e papranueshme!
Pasi kishin anoncuar dy herë shtyrjen e orarit të fluturimit, që do të thotë pritje në aeroport te gate, diku rreth orës 12:00 të natës avioni imbarkohet, por nuk niset megjithse me pasagjerë në bord.
Për më shumë se 2 orë kështu… Tmerr. As në qiell e as në tokë. Pengmarrje.????
Pas 2 orë e kacafiu kujtohen të thonë se avioni nuk niset. Pasagjerët dalin nga avioni, rihyjnë në aeroport dhe lihen aty praktikisht në mes të katër rrugëve. Asnjë mundësi akomodimi!!!
Nuk dihet do niset apo jo sot një avion tjetër!!!
Kjo i ka ndodhur familjes time mbrëmë.
Disa muaj më parë na ndodhi thuajse e njëjta gjë në linjën Eindhoven-Tiranë…
Asnjë mirkuptim nuk mund të tregoj ndaj kësaj kompanie që ofron shërbim ç’njerzor. Na janë shtyrë e madje edhe anuluar fluturime edhe të linjave të tjera por na kanë trajtuar njerëzisht.
Wizzair jo!
E sigurtë është që nuk do ti blejmë më shërbim këtyre palaçove të papërgjegjshëm!
Ptu!
