Deputeti i PD-së, Gazment Bardhi ka ironizuar Lulzim Bashën, duke u shprehur se nuk do të jetë aspak çudi nëse ky i fundit do të vetë-shpallet shumë shpejt dhe mbret i Anglisë.
Në një prononcim për mediat jashtë Kuvendit, pas njoftimit që Basha i kishte dërguar parlamentit për vetëshpalljen kryetar grupi, Bardhi u shpreh se ndonjë ditë ai do thotë se është edhe kryeministër, teksa i bëri sërish thirrje se nëse ka ambicie për kryetar grupi ta propozojë në mbledhjen e nesërme mes deputetëve.
“Po ashtu ai i shpalli sfidë Bashës për faktin se nëse ky i fundit kishte ambicie që të ishte kreu i grupit të PD-së dhe nëse do të siguronte 18 vota, vota e 19 do të ishte e tija. Kush është kryetar i grupit të opozitës, e kupton se në çfarë limitesh, absurditeti është ky diskutim mes kryetares së kuvendit dhe dikujt që u vetëshpall kreu i grupit dhe kreu i Partisë. Mos u çudisni, se do të vetëshpallet dhe Mbret i Anglisë. Ndonjë ditë do thotë se jam dhe kryeministër dhe do sillet si i tillë. Egizston një Mos u çudisni me këto gjëra. Kryetari i grupit zgjidhet nga deputetët dhe as nga kryetarja e Kuvendit dhe as nga kryeministri, por nga asnjë grup tjetër dhe jo nga PS dhe administrata e Kuvendit.
S’flas asnjëherë pa informacione. Kryetari i grupit më të madh në Kuvend, të opozitës e zgjedhin deputetët e PD-së dhe jo ata të PS. S’ka për të ndodhur asgjë. Do të ketë një tentativë për t’u bërë ajo që ndodhi sot. Kryetarja e Kuvendit referon vetëm komunikimet me grupet parlamentare. E bëri këtë gjë që mos të flisnim për hallet e qytetarëve. Deri në ditën kur do të kem besimin e shumicës së deputetëve të PD do të jem në këtë detyrë. E ripërsëris apelin tim. Nëse zoti Basha ka ambicie për t’u bërë kryetar i grupit, po të sigurojë 18 vota, vota e 19 do të jetë e Gazment Bardhit. E siguroj për këtë, se kaq borxh ia kam Bashës kaq gjë.”, tha Bardhi.
