Një ngjarje e rëndë raportohet të ketë ndodhur në Greqi, ku një postier ka dhunuar për vdekje një qytetar.
Sipas mediave të huaja, ngjarja ka ndodhur në pedonalen e “Agia Sofisë”, ku qytetari 50-vjeçar ka qënë duke kaluar në trotuar, dhe një postier me motor është ngjitur në rrugën e këmbësorëve. Ky veprim nuk është pritur mirë nga kalimtari i cili është përplasur verbalisht me motoristin, derisa ky i fundit ka zbritur nga motori dhe ka gjuajtur me grusht 50-vjeçarin, të cilit i ka rënë të fikët dhe është dërguar me urgjencë në spital.
Fatkeqësisht 50-vjeçari nuk ka mundur tu shpëtojë plagëve të marra, dhe ka ndërruar jetë mesditën e sotme, ndërsa postieri 27-vjeçar është arrestuar dhe pritet të dalë në Prokurori.