Forca të shumta policie kanë zbarkuar këtë të shtunë në Nikël të Fushë-Krujës.
Rreth 100 efektivë kanë nisur kontrollet që nga ora 5 e mëngjesit në këto zona. Janë kontrolluar disa biznese dhe banesa ku dyshohet se mund të fshihen kontigjent kriminal. Një ditë më parë u zhvillua një aksion i ngjashëm në zonë, ku janë shoqëruar disa persona.
Ky aksion i policisë vjen për shkak se zona e Fushë-Krujës është kthyer në “kryefjalën” e ngjarjeve të njëpasnjëshme kriminale. Kujtojmë atentatin mafioz në Larushk ku mbeti viktimë Ramazan Sino, kunati i Gentjan Bejtjas dhe u plagosën dy fëmijët e mitur të këtij të fundit. Për ngjarjen u arrestua 2 ditë më parë Valter Bami, pasi në dorën e majtë të tij u gjetën mbetje baruti.
Paraprakisht dyshohet se ky është një operacion që zhvillohet edhe për kapjen e personave në kërkim, në kuadër të ngjarjes së ndodhur dy ditë më parë në Borizanë ku anëtarët e fisit Rraja kanë dhunuar me shkopa bejzbolli dy kushërinjtë Maja në një kafe në zonë.
Shkak është bërë gurorja në Krujë. Fisi Maja ka denoncuar në polici pasi punimet shkaktojnë tronditje dhe dëmtime të banesave, dhe në shenjë hakmarrjeje Rrjat i dhunuan dhe i filmuan.
Deri më tani FNSH dhe RENEA kanë arrestuar 4 prej personave të përfshirë në ngjarje, ndërsa 3 të tjerë janë ende në kërkim.
Mes personave të shpallur në kërkim është dhe Rexhep Rraja, i cili është përfshirë edhe një ngjarje tjetër të dhunshme disa vite më parë.
I riu është akuzuar se ushtonte dhunë ndaj të dashurës së tij në atë kohë, Xhisiela Malokut dhe rasti u bë publik nga oficeri Emiljano Nuhu, i cili dëshmoi ngjarjen dhe ngriti akuza ndaj policisë për neglizhencë.
- Ngjarja e rëndë, fisi Rraja (i deputetit të PS) rrahin brutalisht qytetarët
Policia ka reaguar në lidhje me dhunën brutale të regjistruar ditën e djeshme në një lokal në aksin rrugor Fushë Krujë-Thumanë, ku grupi i fisit Rraja, i përfshirë dhe Xhelal Rraja, vëllai i deputetit socialist Rrahman Rraja rrahën brutalisht Bilbil dhe Jashar Majën.
Policia bën me dije se ka ndaluar 4 persona dhe ka shpallur në kërkim 3 të tjerë.
Blutë kanë ndaluar shteasit Ineid Rraja, 23 vjeç, Eni Kullaj, 27 vjeç, Kujtim Përdaku, 57 vjeç, Andi Rraja, 28 vjeç, për veprat penale “Plagosja e rëndë me dashje”, “Mbajtja pa leje dhe prodhimi i armëve, armëve të zjarrit dhe i municionit”, “Moskallëzimi i krimit” dhe “Veprime që pengojnë zbulimin e të vërtetës”.
Në kërkim është shpallur shtetasi Xhelal Rraja, 65 vjeç (vëllai i deputetit socialist Rrahman Rraja), F. Rr., 55 vjeç, dhe K. Rr., 31 vjeç. Vlen të theksohet fakti se ditën e djeshme, Policia bëri me dije se e kishte shoqëruar në komisariat Xhelal Rrajën, por siç duket e ka lënë sërish të lirë dhe sot e shpall në kërkim
Nga pamjet e publikuara nga mediat, shiheshin rreth 10 persona të cilët me shkopin bejsbolli, grushte dhe shqelma sulmojnë Bilbil dhe Jashar Majën që ishin të ulur në lokal për të pirë kafe. Ata shihen teksa i shajnë dhe i godasin pa pushim me shkopinj në trup e kokë dy “shënjestrat”.
Njëri prej të dhunuarve, i cili ndodhet aktualisht në gjendje të rëndë në spital, shihet i gjakosur në kokë teksa përpiqet të largohet. Por sërish autorët e sulmit i vihen pas, deri sa aie bie në tokë dhe ata ende vazhdojnë e godasin akoma. Në sfond dëgjohen zëra që thonë “vrite, vrite” dhe vijojnë gjuajtjet me shkopinj e shqelma. Siç mund ta dalloni dhe në fotot e mëposhtme, një prej tyre shihet dhe me armëzjarri tip pistoletë në dorë.
Sherri ka ndodhur për një gurore, në pronësi të Rrajave. Bilbil dhe Jashar Maja janë ankuar dhe kanë denoncuar në polici për tronditjet që u japin shpërthimet dhe dëme në banesa. Kjo ka sjellë dhe “hakmarrjen” e Rrajave, duke i rrahur brutalisht.
