Kompania e fluturimeve low cost “Wizz Air” ka vendosur të mbyllë të gjitha fluturimet nga Aeroporti i Kukësit. Prej datës 14 Korrik 2023, kompania nuk do të ofrojë më bileta për fluturime nga aeroporti i dytë i Shqipërisë.
“Wizzair.com mbyll të gjitha fluturimet nga Aeroporti i Kukësit më 14 Korrik 2023”, shkruan gazetari Vladimir Lame.
Nëse provon të bësh një rezervim bilete për të udhëtuar nga Kukësi me “Wizz Air”, data e fundit e disponueshme është 11 Korriku 2023. Pas kësaj, nuk asnjë datë tjetër nuk është me e mundur për të bërë rezervime për udhëtim. Nuk dihen arsyet e marrjes së këtij vendimi.
Fluturimet e para zyrtare nga Aeroporti i Kukësit “Zayed / Flatrat e Veriut” nisën dy vite më parë, më 15 Korrik 2021. Linjat e para ishin nga Kukësi drejt Zyrihyt në Zvicër dhe Stambollit, dhe anasjelltas. Ndërsa më vonë u shtuan dhe linja të tjera low cost.
Kompania e avionëve “Wizz Air” njihet si një kompani problematike, me vonesa në oraret e nisjes së fluturimeve.
