Deputeti i PD-së, Luan Baçi ka folur me tone të ashpra nga foltorja e Kuvendit ndaj qeverisë, përsa i përket mbështetjes së fermerëve vendas.
Baçi i ka bërë apel qeverisë që të ulë traun e doganës për pronarët e mëdhenj e të fuqishëm dhe të suportojë fermerët vendas. Sipas tij, nuk është problem nëse pronarëve të fuqishëm iu bien pak fitimet, nëse fitojnë fermerët vendas.
“Ju duhet të reagoni dhe jo të qeshni. Ju duhet të reflektoni dhe jo të qeshni, ju duhet të merrni përgjegjësi përsipër dhe jo të talleni me fermerët. Nxirrni dy-tre deputetë dhe talleni me fermerët. Ulni traun e doganës. Le tu bien pak fitimet atyre pronarëve të mëdhenj dhe të fuqishëm dhe të ndihmohen fermerët e vegjël, qytetarë të këtij vendi”, deklaroi Luan Baçi
