Kreu i Partisë Demokratike, Sali Berisha deklaron se gjykatëses së ish-ministrit Saimir Tahiri iu bë vettingu me urgjencë.
Gjatë një postimi në rrjetet sociale, Berisha ka publikuar mesazhin e qytetarit dixhital, sipas të cilit, gjyqtarja e ka mbajtur 5 muaj në dorë dosjen e Tahirit dhe vendimin e ka dhënë 3 ditë pasi kaloi vettingun.
POSTIMI NGA SALI BERISHA:
“Vetting për lirim!
Këtij i thonë turp-veting!
Me urdhër të Ramës gjykatëses që mbante prej 5 muajsh kërkesën e Tahirit për lirim, ju bë vettingu me urgjencë dhe ajo ‘të paça e të pritsha’ menjëherë mori vendimin për lirimin e Tahirit nga burgu.
Ky është turp-vettingu që nuk e ka asnjë vend në botë!!
Lexoni mesazhin e qytetarit dixhital!
*****
Gjykatëses iu bë vetting
Doktor gjyqtarja e Elbasanit e ka mbajtur 5 muaj në dorë dosjen e Tahirit dhe vendimin e ka dhënë 3 ditë pasi kaloi Vetting-un! Dhe KPK vendimin e ka dhënë brenda ditës së gjykimit ndërkohë që për të tjerët KPK vendimin e jep pas 1 muaji! Ju prsh!”
