Një tjetër ngjarje e rëndë raportohet të ketë ndodhur në Serbi, ku kanë mbetur të vdekur 8 persona dhe janë plagosur 13 të tjerë.
Mediat e huaja raportojnë se një 21-vjeçar, Uroš B, djali i një ushtaraku hapi zjarr ndaj disa njerëzve, nga makina me të cilën lëvizte me dy persona të tjerë dhe menjëherë pasi sulmit u largua në drejtim të paditur.
Ngjarja e rëndë ka ndodhur në një qytet në afërsi të Beogradit mbrëmjen e djeshme në orën 23:00.
Të gjitha njësitë speciale të policisë janë të angazhuara, duke përfshirë një njësi kundër terrorizmit, njësi helikopterësh dhe forca policore nga qytetet e Beogradit dhe Smederevës.
Ministria e Brendshme këtë incident po e trajton si një akt terrorizmi të brendshëm, por nuk specifikuan më shumë detaje.
Policia ka bërë të mundur arrestimin e 21-veçarit, ndërsa mësohet se 600 forca të armatosura u angazhuan në ndjekje të gjurmëve të tij.
Ngjarja ndodhi vetëm dy ditë pasi një 13-vjeçar vrau me armën e babait të tij, tetë nga shokët e klasës dhe një roje shkolle në Beograd. Ngjarja shkaktoi tronditje në vendin ballkanik.
