Kryetari demokrat, Sali Berisha ka akuzuar kryeministrin Edi Rama dhe zëvendëskryeministren Belinda Balluku se në bashkëpunim me njëri-tjetrin, kanë vjedhur taksat e qytetarëve shqiptarë.
Gjatë fjalës së tij, në prezantimin e kandidatit të koalicionit “Bashkë Fitojmë”, për Bashkinë e Durrësit, Igli Carën, Berisha tha se qeveria dhe administratat kanë vjedhur miliona para të shqiptarëve.
Berisha deklaron se KLSH ka gjetur se në vitin 2022 qeveria dhe administratat kanë vjedhur 122 mld lekë.
“Si i vjedhin do të thoni ju, po sepse ndërtojnë rrugën në mes të fushën 24 mln dhe ajo kushton vetëm 2 mln. I vjedhin sepse mbjellin 10-20 apo 40 mijë fidanë dhe thonë kemi mbjellë me miliona.”- tha Berisha.
Berisha deklaron se Belinda Balluku dhe kryeministri Rama kanë blerë 500 mln euro energji ndërkohë që Shqipëria ka prodhuar 2 mld kw/orë më shumë se nga sa konsumon.
Kreu demokrat shton se “Belinda me Ramën, kanë zgjedhur të dhunojnë ligjet dhe të zbrazin digat gjatë verë, në një kohë kur kjo ndalohet. Ata ua shesin sekserëve të tyre me 20 euro dhe sekserët e tyre e shesin në bursë 300 euro dhe ndajnë paratë me ta“.
Fjala e Berishës:
“Si mund të maten fermerët e Durrësit me prodhuesit përreth kur vetëm Kosova subvencionon çdo hektar grurë, çdo hektar serë…Si mund të konkurrojnë këta fermerët tanë? Pra krijohen kushte për largimin e tyre. Nga Shkodra shkojnë në Mal të Zi për të punuar. Në 2013 rroga në Shqipëri ishin më të larta.
Sot 1/3 e popullsisë në 8 vite ka braktisur këtë vend të bekuar. A nuk është kjo një apel për çdo shqiptar që më 14 maj të ndalim të keqen , të votojmë ndryshimin, të votojmë Igli Carën.
Si u katandisëm ne, nga njerëzit më të mirë-paguar në njerëzit më të keqpaguar në Ballkan brenda 8 viteve? Ju garantoj si ish-kryeministër se ekzistonte çdo potencial dhe ne duhet të kishim kapur plotësisht Slloveninë. Këtë e them sepse pasuritë që ka Shqipëria nuk i ka asnjë vend në Ballkan. Këta po e vjedhin, e keqja nuk ka fund dhe të keqen duhet ta ndalojmë.
KLSH ka gjetur se në vitin 2022 qeveria dhe administratat kanë vjedhur 122 mld lekë. Si i vjedhin do të thoni ju, po sepse ndërtojnë rrugën në mes të fushën 24 mln dhe ajo kushton vetëm 2 mln. I vjedhin sepse mbjellin 10-20 apo 40 mijë fidanë dhe thonë kemi mbjellë me miliona.
Kanë blerë 500 mln euro energji, çdo shqiptar duhet ta dijë se viti që këta kanë blerë 500 mln euro Shqipëria ka prodhuar 2 mld kë/orë më shumë se nga sa konsumon. Kjo mis babëzia, Belinda me Ramën, kanë zgjedhur të dhunojnë ligjet dhe të zbrazin digat gjatë verë, në një kohë kur kjo ndalohet. Ata ua shesin sekserëve të tyre me 20 euro dhe sekserët e tyre e shesin në bursë 300 euro dhe ndajnë paratë me ta. Ky është mekanizmi i tmerrshëm i vjedhjes së qytetarëve.
Gjithashtu vjedhin edhe me rritjen e çmimeve. Mblodhën mbi 500 mln euro, ku i çuan? Edi Rama 320 mln i çoi për rrugë anësore. Si Shkëmbi i Kavajës-Fier, që po i ndërton me 7.2 mln euro km, në një kohë që autostrada ka kushtuar 2 mln euro km. A nuk është kjo një thirrje që t’i largojmë. Ndaj ju demokratë e demokrate, ju ftoj që këto ditë që kemi përpara të trokasim në çdo derë për të vendosur Igli Carën. Ajo zonja që është , ajo del nga sirtarët e Gjushit, është dyshja më mafioze jo në Shqipëri, por edhe në Ballkan dhe më gjerë.”.
