Shtetasi Renald Tahiri në rrethana misterioze ka humbur jetën brenda ambienteve të burgut 302 në “Mine Peza” në Tiranë.
38-vjeçari u arrestua ditën e premte për vjedhje biçikletash dhe që nga ajo ditë Renald Tahiri nuk u takua me familjarët e tij.
Rrethanat e ngjarjes së rëndë janë të mistershme dhe deri ne keto momente nuk është raportuar zyrtarisht nga policia e cila ka “fshehur” ngarjen. Raportohet se ai ka ndërruar jetë ditën e shtunë, por familjarët thonë se ka ndodhur brenda qelisë. Autoritetet pretendojnë se janë ndjekur të gjitha procedurat standarte përfshirë edhe ofrimin e ndihmës shëndetësore.
Familjarët pretendojnë se janë njoftuar vetëm të hënën (dy ditë pas ngjarjes), për vdekjen e tij, ndërsa hapën dyert e mortit. Trupi u përcoll sot për në banesën e fundit pas ceremonisë mortore në orën 12:30.
