Personi në foto është Klevis Ruçaj, viktima e tretë e aksidentit tragjik në nënkalimin në hyrje të Tiranës.
Ruçaj teksa po drejtonte mjetin tip Audi A8, ka humbur kontrollin dhe u përplas me bordurat anash rrethrrotullimit të Saukut dhe më pas ka përfunduar në autostradë sipër një makinë tjetër.
I riu nuk i mbijetoi plagëve të rënda nga përplasja fatale.
20-vjeçari ishte apasionuar pas shpejtësisë, të cilën e kishte reklamuar edhe përmes rrjeteve sociale. Në një prej videove të tij në rrjetet sociale ai lëvizte me shpejtësi deri në 271 km/h.
Ruçaj mburrej në rrjet se ishte e aftë të drejtonte makinën e tij dhe vetëm me një dorë.
Të vdekura kanë mbetur dy vajza, konfirmoi policia e Tiranës në një njoftim zyrtar, identitetet e të cilave ende nuk dihen.
Po ashtu kanë mbetur të plagosur dhe tre persona të tjerë që ndodheshin në makinën që Audi i ra për sipër.
