Mediat italiane raportojnë se prokuroria ka vënë nën hetim ish-kryeministrin Giuseppe Conte për mënyrën se si ai menaxhoi pandeminë e koronavirusit në fillim të vitit 2020. Nisur nga kjo, ish-ministri i Shëndetësisë Petrit Vasili shprehet se një hetim i ngjashëm duhet të nisë dhe nga strukturat ligjzbatuese në vendin tonë për kryeministrin Edi Rama.
Por, shton ai, SPAK-u i bën fresk Ramës.
Hetimi në Itali
Nën hetim për një nga situatat më të vështira të Italisë, ku mijëra njerëz humbën jetën janë dhe 19 persona të tjerë mes të cilëve ish-ministri i Shëndetësisë, Roberto Speranza, guvernatori i Lombardisë, Attilio Fontana dhe zyrtarë të tjerë nga instituti i shëndetit publik.
Më herët, prokurorët nga rajoni veriore i Bergamos, ku ishte dhe epiqendra e pandemisë në Itali, lajmëruar nisjen e hetimit për këta persona, por pa dhënë më shumë detaje.
Ata cituan 17 persona në deklaratë, sepse dokumentet në lidhje me ish-kryeministrin dhe ish-ministrin e shëndetësisë u transferuan në një gjykatë të veçantë që merret me figurat e qeverisë sipas ligjit italian.
Ish-kryeministri dhe zyrtarët e tjerë të lartë akuzohen nga prokurorët e Bergamos për vrasja të shumëfishtë, fajësi në një epidemi dhe refuzim për të kryer akte zyrtare.
Vasili: SPAK i bën fresk Ramës
Në një reagim lidhur me çështjen, ish-ministri i Drejtësisë Petrit Vasili shprehet se Italia heton ish-Kryeministrin Conte, ndërsa SPAK-u në Shqipëri i bën fresk Ramës.
Sipas tij, pandemia në Shqipëri u menaxhua në mënyrë kriminale, propagandistike dhe antishkencore, duke marrë jetën e mijëra njerëzve të lënë pa ndihmë shëndetësorë e mbështetje financiare. Po ashtu, shton se autoritetet fshehën mijëra humbje jete.
“Ish-Kryeministri italian Conte dhe ish Ministri i Shendetesise Speranza jane sot nen hetim per Pandemine! Akuzohen per keqmenaxhimin e Pandemise dhe vdekjet e ndodhura. Po te punonte nje dite te vetme SPAK-u ne Shqiperi bazuar ne ligj dhe tek interesat e popullit Edi Rama do te ishte me kohe ne burg per Pandemine. Edi Rama me gjithe palacot e tij ne qeveri menaxhuan ne menyre kriminale, propagandistike dhe antishkencore Pandemine e Covid, që mori jeten e mijra njerezve te lene pa ndihme shendetesore, pa ilace, pa mbeshtetje financiare, pa asnje perkrahje dhe fshehen mijra humbje jete”, shkruan Vasili në një postim në rrjetet sociale.
“Mijra mjeke dhe infermiere u lane vetem, te tradhetuar, te pambrojtur, te shfrytezuar e te keqperdorur nga Edi Rama dhe sharlatanet perqark tij. SPAK-u po rendohet çdo dite e me keq me rreshtimin e tij ne krah te se keqes dhe kryeministrit si misherim i kesaj te keqeje. Cfare mjerimi dhe zhgenjimi eshte kjo reforme ne drejtesi dhe sa te mjere ata qe me duar te pista duatrokasin akoma per te”, shton ai.
