Dita e sotme pritet të prodhojë debate të forta mes opozitës dhe mazhorancës brenda dhe jashtë Kuvendit ku kreu i Partisë Demokratike, Sali Berisha ka thirrur protestë përballë institucionit ligjvënës.
Berisha sapo mbërriti në seli, në orën 10:00 do t’i bashkohet protestës para parlamentit, bashkë me 5 deputetë të tjerë po ashtu të përjashtuar.
Rreth 700 efektivë policie në gatishmëri për protestën e opozitës para Parlamentit në orën 10:00. Gjithë perimetri i godinës së seancave plenare do të jetë i rrethuar me uniforma blu, ndërsa në të gjithë zonën janë shtuar masat e sigurisë.
Në vijën e parë do të qëndrojnë forcat e rendit dhe të njësisë “Shqiponja”, ndërsa ato të Ndërhyrjes së Shpejtë dhe RENEA do të jenë të dislokuara në pjesën e anësore të parlamentit. Ndërsa efektivë të Gardës janë dislokuar në pjesën anësore nga krahu i “Pedonales” nga pritet të bëhet edhe hyrja e deputetëve.
