Anëtari i Këshillit Kombëtar të PD, Lisandër Hoxha ka thënë se Rama qëndron inferior ndaj skandalit me McGonigal, pasi nuk ka argumente. Sipas tij, Rama është drejt dorëheqjes dhe ndodhet në ditët e fundit të tij në pushtet.
Sipas tij, kreu i qeverisë nuk i shpëton dot skandalit të McGonigal, ndërsa theksoi se “Rama nuk e kalon dot oqeanin përvecse i pandehur”.
“Në agoni është në fakt, po qëndron inferior sepse nuk ka argument, nuk i del deputeteve në interpelancë, del vetëm në intervista të paguara. Po sillet si një njeri që po mbytet dhe thotë “jam mirë jam mirë”, ose si një njeri që mbyllet në çmendine dhe thotë “nuk jam i çmendur”. Ky është rasti i Ramës që këtij skandali nuk i shpëton dot. Rama ka dëshmuar që nuk njeh shtetit shqiptar dhe sillet si autokrat. Por rasti i McGonigal ku ai ka financuar para për të forcuar pozitat e tij, duke goditur opozitën dëshmon që Rama është në hall dhe nuk e kalon dot oqeanin përveçse i pandehur. Rama është drejt dorëheqjen për këtë ju siguroj. Janë ditët e fundit të tij dhe ai do japë llogari në drejtësinë amerikane”, tha Hoxha për Panorama TV.
Hoxha theksoi ndër të tjera se revolta do të vazhdojë dhe se opozita po i prin interesit të qytetarëve.
“Ne jemi në revoltë kombëtar që sapo ka filluar do kohën e vetë që të maksimizohet deri në largimin e tij. Sot po jetojmë në një realitet të krijuar nga korrupsioni i Ramës. Misioni i opozitës është të jetë alternative qeverisëse. Duke pasur parasysh rrethanat ku ndodhet Shqipëria është në interes që PD të prijë një interes të qytetarëve. Ne jemi shumë seriozë në këtë gjë. Nuk është e rëndësishme pjesëmarrja në protestë”, tha ai.
