Autoritetet italiane kanë sekuestruar një sasi prej 100 kg kokainë, e cila ishte fshehur brenda djathit “Parmigiano”.
Mediat e huaja bëjnë me dije se kokaina u zbulua nga policia financiare e Torinos, e cila kreu një operacion të gjerë antidrogë në të gjithë Italinë, ku u arrestuan dhjetë persona, 7 italianë dhe tre shqiptarë.
Sipas aktakuzës, kreu i organizatës është një tridhjetë e shtatë vjeçar me kombësi shqiptare.
Si vepronte grupi?
Ata blinin sasi të mëdha kokaine nga jashtë, veçanërisht nga Holanda dhe e transportonin në Itali me kamionë. Droga ruhej në magazina në Piemonte (veçanërisht në provincat e Asti, Alessandria dhe Cuneo), por edhe në zona të tjera të Italisë veriore (përfshirë provincën e Rovigos). Më pas shpërndarja në rajone të ndryshme (Piemonte, Lombardia, Veneto, Toskana, Siçilia dhe Sardenja), u bë nëpërmjet “korrierëve” dhe duke përdorur një flotë të madhe automjetesh. Vetë korrierët kishin për detyrë të merrnin paratë nga shitjet.
Droga e sekuestruar, nëse do të shihej “me pakicë”, koka do të kishte sjellë një fitim prej të paktën 20 milionë eurosh.
