Kreu i Partisë Demokratike, Sali Berisha është solidarizuar me popullin turk dhe sirian të cilët po përjetojnë ditë të vështira për shkak të tërmetit tragjik e cila ka shkaktuar deri tani mbi 30 mijë viktima.
Gjatë një postimi në rrjetet sociale, Berisha nënvizon se ekipi i kërkim shpëtimit që dërgoi Shqipëria në Turqi nuk ishte në lartësinë e duhur ndaj një vendi mik. Gjithashtu Berisha shprehu ngushëllimet për familjet e viktimave dhe lutet për shërim të shpejtë të të plagosurve.
Reagimi nga Sali Berisha:
“Tërmet me pasoja kataklizmike!
Të dashur miq, tërmeti që godit Turqinë qendrore dhe Sirinë verilindore ishte një kataklizëm e vërtetë. Numri i viktimave të këtij tërmeti arriti në të paktën 31.600 të dielën. Numri i të plagosurve është shumë më i madh.
Ky ishte tërmeti më vdekjeprurës për Turqinë, që nga viti 1939. Edhe dje, pas 6 ditësh, ekipet e kërkim-shpëtimit kanë nxjerrë nga rrënojat disa të mbijetuar. Ndihma të mëdha kanë shkuar nga e gjithë bota.
Ndonëse Shqipëria dërgoi ekip kërkim-shpëtimi dhe ndihma në Turqi, këto nuk ishin në lartësinë e duhur dhe në detyrimin tonë ndaj një vendi fqinj dhe mik.
Dhe njëherë shpreh ngushëllimet e mia më të ndjera familjeve të viktimave të këtij tërmeti kataklizmik dhe lutem për shërimin e shpejtë të të plagosurve.
Gjithashtu kërkoj shtimin e ndihmave të Shqipërisë për kapërcimin e pasojave të tmerrshme të tërmetit”, shkruan Berisha.
Dita e sotme pritet të prodhojë debate të forta mes opozitës dhe mazhorancës në sallën e Kuvendit por edhe jashtë saj. Ashtu siç ka paralajmëruar kreu i PD-së, Sali Berisha ditën e sotme do të zhvillohet protesta e radhës e opozitës këtë herë përballë institucionit të ligjvënësve shqiptarë.
Kryeministri Edi Rama prej disa seancash mungon në sallën e Kuvendit, ndërsa opozita ka kërkuar që kreu i shtetit të dalë dhe të japë “llogari” për atë që e cilësojnë si skandali “McGonigal” ku dyshohet se është implikuar edhe Edi Rama në një aferë korruptive.
