Kreu i Partisë Demokratike, Sali Berisha akuzoi sërish Ardi Veliun, kreu i AMP, se është një nga njerëzit që e ka takuar më shumë Charles McGonigal.
Berisha deklaroi më tej se McGonigal ka ndikuar në procesin e vetingut për daljen nga sistemi të prokurorëve të caktuar, mes tyre dhe ata që janë marrë me çështjen e ish ministrit Saimir Tahiri.
“Ju e dini që Ardi Veliu është një nga manipulatorët dhe ky është një nga njerëzit që ka takuar më shumë McGonigal, Ardi Veliu. Kjo është e sigurtë, shumë e sigurtë.
McGonigal me kërkesë të Ramës, ka bërë gjah për prokurorë të caktuar që t’i nxjerrin nga sistemi. Prokurorë që janë marrë me çështjen e Saimir Tahirit janë nxjerrë nga sistemi sepse ky u hiqej si njeriu që dinte gjithçka dhe që duhej marrë fjala e tij parasysh. Deri këtu ka arritur degradimi i vettingut nga Edi Rama.“- tha Berisha.
