Kryetari i Partisë Demokratike, Sali Berisha është shprehur se Edi Rama është e keqja më e madhe e këtij vendi, prandaj me çdo kusht duhet të largohet nga pushteti.
Dy ditë para protestës së 11 shkurtit, Berisha bashkëbisedoi me banorët e degës 6, 7 dhe 16 të Tiranës, ku dha edhe direktivat e fundit se çfarë pritet të ndodhë në protestën e së shtunës.
Berisha i tha qytetarëve se Rama duhet të qëllohet me vezë e domate kur qarkullon në Tiranë, për vjedhjet që i ka bërë Shqipërisë.
“E shtuna është një ditë e madhe, moti është i ftohtë, por ajo do të jetë një nga ditët më të ngohta për shqiptarët, të cilët presin me padurim siparin e revolucionit demokratik që ne duhet të përmbysim njërin nga regjimet më karikaturë, më dictatorial dhe anti-dhqiptar që ne kemi pasur në histori. Sharra është ndërmarrje e tyre. Kontrata thotë se plehrat do të menaxhohen me 11 euro për ton. Por ai është i paturp. Ai kalon rrugicave dhe u merr tek ndërmarrja e tij 29 euro për tonë. Nuk digjet asnjë ton, groposen si 25 vite më parë. A lejohet ky njeri të qarkullojë në Tiranë? A nuk duhet të qëllohet me vezë e domate kudo që kalon. Kur vjen një hajdut në oborr dhe merr diçka e ikën me vrap. Këtij i duhet treguar vendi. Të qëllohet me vezë e domate kudo që kalon. Ku i çon paratë? I çon në Iran. Ai holandezi që ka marrë ky atje është i lidhur kokë e këmbë me Iranin. Kur flietet për Iranin ai nuk e çel gojën. Sa të na rrëmbejnë të ardhen tonë, le t’i lëmë në të shkuarën e tyre, u shpreh Berisha.
