Juristi Ylli Manjani bëri thirrje që SPAK të nisë hetimet ndaj kryeministrit Edi Rama lidhur me përfshirjen e tij në aktakuzën ndaj ish-zyrtarit të SHBA.
Në emisionin Now në Euronews Albania, Manjani u shpreh se sipas kodit të procedurës penale fillimi i hetimit penal mund të nisë edhe me indicie, edhe një artikull gazete.
Sipas tij në aktakuzën amerikane ka indicie të mjaftueshme, pasi në të përmendet kryeministri shqiptar. Manjani përmendi rastin e ish-ministrit Saimir Tahiri i cili sipas tij është futur në burg mbi indicie.
“Ka material sa të duash që të nisë një hetim, duhet të raportonte takimet me zyrtarin e FBI, një zyrtarët që nuk është i rangut të tij. SPAK të gjitha çështjet i ka nisur me indicie, pse përjashtohet kryeministri?” tha Manjani.
