Nga Boldnews.al
Në tre momente të vëshira që ka kaluar kryeministri Edi Rama këdo mund të ketë pasur në krah, por vetëm Veliajn asnjëherë. Të jetë kjo një rastësi që njeriu që nuk lë gjë pa komentuar, në raste të tilla hesht dhe pret? Rama politikisht është personi më i rrënuar në këto momente, teksa e kruajti me “letër zmeril” në takimet me ish-shefin e Kundrazbulimit në FBI Charls McGonigal, i arrestuar në SHBA për lidhje me oligarkët rusë dhe vizita të fshehta dhe ryshfet pasi takoi Ramën.
Disa nga ministrat dhe deputetet tentojnë në çdo mënyrë që të mbrojnë kryeministrin, duke pranuar të kthehen në lolo me dëshirë, ndonëse e dinë që në këtë rast është diçka që nuk mund të mbrohen lehtë, duke përdorur propagandën. Mirëpo i vetmi që nuk ka nxjerrë zë është kryebashkiaku i Tiranës Erion Veliaj. Edhe pse në letra është pjesë e pushtetit lokal, Veliaj është kryetar i PS-së së Tiranës dhe njëkohësisht njihet si çiraku i Ramës që në të ardhmen mund të zëvendësojë ustain e tij.
Në rastin e protestës së studentëve në vitin 2018, ku politikiasht Rama ishte në prag të rënies së qeverisë, Erion Veliaj nuk reagoi. Ndonëse disa nga kërkesat e studentëve e preknin drejtëpërdrejtë Bashkinë e Tiranës, ai preferoi të shihte deri ku do i mbanin këmbët ustait të tij. Në momentin që Rama e kapërceu krizën, duke shpërbërë me marifete përçarëse protestën e studentëve Veliaj u shfaq si “shpëtimtar” pikërisht atëherë kur nuk i duhej më Ramës.
E njëjta situatë u rikthye pas vrasjes së 25-vjeçarit të pafajshëm Klodian Rasha nga afektivi i policisë së shtetit. Qytetarët u ngritën në protestë dhe shkatërruan stacionë autobusësh, kazanë mbetjesh, apo edhe semaforë. Vetë Veliaj jo vetëm që nuk reagoi me malinjitet si gjithnjë ndaj protestuesve, por u shfaq si një “lider i madh”, teksa shprehej se “rraqe janë ata që digjen dhe zëvendësohen shpejt, jeta e njeriut ka rëndësi”. Një qëndrim i ndryshëm nga ai i Ramës i cili pasi pranoi dorëheqjen e ish-ministrit të shtrydhur tërësisht Sandër Lleshaj, mbroi me fanatizëm kryepolicin e kohës Ardi Veliu.
Në situatën më të fundit, ku emri i Ramës përmendet 16 herë në aktakuzën ndaj McGonigal, kreu I Bashkisë Tiranë është gjithnjë e më shumë I pranishëm në mediat e blear dhe shantazhuara, por asnjë fjalë të vetme nuk ka nxjerrë për sikletin e Ramës. E gjithë kjo situatë përkthehet ndryshe në oazin ku Veliaj ka krijuar grupimin e tij. Në raste se Rama pas këtij skandali rrënohet edhe më shumë, duke shkuar në një dorëheqje të mundëshme Erion Veliaj do mprehet për të marrë drejtimin e PS-së, madje edhe si pasues i Ramës në kryeministri.
Veliaj gjithashtu sheh se koha po i shkon, teksa Rama jo vetëm nuk ka ndërment tërheqjen, por përdor çdo formë për të marrë dhe mbajtur pushtet. Në kushte të tilla Veliaj jo vetëm nuk po i jep një dorë Ramës për ta nxjerrë sadopak nga gropa, por po ja hap edhe më të thellë atë. Lufta për pushtet nuk njeh më mirënjohje mes ustait dhe çirakut.
