Deputetja e PD-së, Ina Zhupa kërkoi që kryeministri Rama të vijë në Parlament për tu përballur me pyetjet e deputetëve në lidhje me çështjen ‘McGonigal’.
Zhupa tha se Rama fshihet në zyrë duke baltosur Shqipërinë dhe duke vënë në rrezik stabilitetin me NATO-n.
Zhupa e quajti tradhëtar të korruptuar dhe paralajmëroi se pa ardhur Rama nuk mund të ketë më seancë normale.
“Kemi një tradhtar që ka cënuar sigurinë kombëtare, na ka vënë në dyshim aleancën me SHBA. Na ka vënë në rrezik stabilitetin me NATO, tradhtar i korruptuar. Dha paratë që vjedh për të bërë lobim, për të goditur opozitën, për të pasuruar oligarkët që fshihet pas tyre, për të bërë biznes me Deripaska.
Ku e keni Kryeministrin? Ku është kjo flamë që e ka zënë që pi kafe në zyrë dhe nuk vjen këtu? Ku është që emrin e Shqipërisë e baltos në këtë mënyrë?
Tradhtarin e korruptuar ta sillni këtu, të përballet me opozitën dhe të vërtetat. Të na tregojë të vërtetën. 14 herë përmendet nga Juria e Madhe në aktakuzë. Le të vijë Edi Rama këtu se ndryshe seancë normale nuk mund të ketë.”- tha Zhupa.