Kreu i grupit parlamentar të Partisë Socialiste, Taulant Balla ka komentuar kaosin e krijuar ditën e sotme gjatë seancës plenare ku opozita ka kërkuar që të ndryshohet rendi i ditës dhe të flitet për aferën dhe lidhjen e kryeministrit shqiptar Edi Rama me ish-zyrtarin e FBI-së, Charles McGonigal, tashmë i arrestuar për korrupsion.
Në dalje të Kuvendit, Balla tha se “zhurma” e krijuar sot në sallën e Kuvendit vjen për të hequr vëmendjen e mediave ndaj Shkëlzen Berishës i cili dëshmoi në SPAK për çështjen e Gërdecit.
“Sot djali është paraqitur në SPAK për Gërdecin, gjithë kjo dhunë e ushtruar në kuvend është e lidhur, derivat i lidhur. Pra, e mbani mend që në janar të vitit 2019. Kur Berisha ishte njohur me faktin se në SHBA kishte nis procedurën e shpalljes non grata dhe viza iu ishte hequr e njëjta situatë ndodhi në kuvend për të mos më shkuar me keq për tu tërhequr nga kuvendi, vlerësoj që Nikolla ka bërë vendimmarrjen e duhur në funksion të zhvillimit normal. Jemi gjendur para disa shkeljeve të rënda të rregullores së kuvendit, nga deputeti Berisha. Do duhet që sekretariati të mblidhet dhe të shqyrtojë kërkesën që do të depozitojmë për përjashtimin me më shumë ditë të të gjithë deputetëve që pengojnë zhvillimin e seancës. Seanca bllokohet se ata duhan të heqin vëmendjen nga provat e reja të 21 janarit.
Një kërkesë ka një procedurë, merreni rregulloren e Kuvendit, nëse një prej jush gjen bazuar kërkesën e tyre në rregullore jam i gatshëm të kërkoj ndjesë. Uzurpimi me forcë, edhe një gjë që nuk është ashtu, duan ta marrin me forcë. Kërkesa i lihet kohë tre ditë të shqyrtohet në Konferencën e Kryetarëve”, tha Balla.
