Kryetari i Partisë Demokratike, Sali Berisha komentoi procesin e zgjedhjeve për kreun e SPAK.
Në mbledhjen e Këshillit Kombëtar të Partisë Demokratike, Sali Berisha tha se skenat që panë shqiptarët gjatë këtioj procesi nuk janë gjë tjetër, por një përplasje mes klaneve brenda Partisë Socialiste.
“Tani beteja nuk është vetëm midis nesh dhe mafies shtetërore, por betejë e ashpër ka shpërthyer midis klaneve mafioze të pushtetit. Nuk është se nuk është përzier gurvenatorja, por beteja ishte nga klanet e PS. Ajo që shqiptarët panë ishte vetëm perdja, sepse prapa perdes ishte beteja më e ashpër që u zhvillua nga klanet e një pushteti, që nuk njeh ligj dhe as moral. Nuk i la kush të votonin fshehurazi, por në rrafshin filozofik ishte përjashtimi i lirisë dhe votës. Ishin skena, procese në të cilat vota nuk duhej që të diktohej. është formale. Ndaj dhe primaret në mënyrë të padiskutueshme, larg çdolloj objeksioni që PD ka sjellë nga themelimi gjeri më sot. Nuk ishin të përsosura, por në tërësinë e tyre ato mbetën një zhvillim historik edhe për Shqipërinë dhe demokracinë shqiptare. Një ta keni të sigurtë, ato janë praktika më demokratike që një forcë politike mund të përdorë. Shihni palën tjetër që kalojnë nga ekrani në ekran si hije, kemi metodën tonë thotë Edi Rama. Metoda e Enver Hoxhës.”, u shpreh Berisha.
Duke hedhur shenja krahasimi me palën kundërshtare, Berisha u shpreh se primaret treguan vlerat e vërteta të Partisë Demokratikes. Sipas tij, në PD është kthyer vota, kurse në PS-ja janë “klanet” ato që vendosin
“Primaret ishin risia më madhore që PD-ja ka sjellë që nga themelimi deri më sot. Nuk ishin të përsosura, por në tërësinë e tyre, ato mbeten një zhvillim historik jo vetëm për PD, por edhe për demokracinë shqiptare. Cdo problem i dalë gjatë tyre, do analizohet, do pasqyrohet në praktikën tonë të ardhshme”, shtoi Berisha.
- Procesi i “Primareve” do të aplikohet edhe për kandidatët e PD-së për deputetë në zgjedhjet e ardhshme parlamentare
Gjithashtu Berisha zbuloi se procesi i Primareve do të aplikohet nga opozita edhe në përzgjedhjen e kandidatëve për deputetë në zgjedhjet e ardhshme të përgjithshme.
Pas suksesit të garës për zgjedhjen e kandidatëve për 61 bashki në zgjedhjet lokale të 14 majit, sipas Berishës është e rëndësishme që edhe ministrat e qeverisë së PD të zgjidhen nga simpatizantët përmes Primareve.
“Primaret larg çdo lloj objeksioni ishte risia më madhore që ne kemi sjellë nga themelimi i PD-së deri më sot. Nuk ishin të përsosura, por në tërësinë e tyre mbetën një zhvillim hitorik jo vetëm për PD-në, por edhe për Shqipërinë dhe demokracinë shqiptare. Çdo problem i krijuar do të shqyrtohet, analizohet dhe pasqyrohet në praktikën tonë të ardhshme, por të jeni të sigurt se ato janë praktika më e mirë që një forcë politike mund të përdor. Po në këtë parim do kalojnë kandidaturat për deputetë dhe qeveritarë qëndrorë”, tha Berisha.
Lideri i opozitës duke vendosur theksin te gara e brendshme si suksesi më i madh i Primareve, ironizoi mazhorancën duke thënë: “Shikoni palën tjetër, Edi Rama thotë kemi mënyrën tonë, mënyrën e Enver Hoxhës”.
“Kandidatët tanë me kandidatët e tij ndryshojnë si nata me ditën, ja ku janë kanë ardhur me një proces demokratik, kurse të tjerët zgjidhen nga klanet mafioze dhe grupet kriminale. Kjo është meritë e demokratëve, të cilën e realizuan me vendosmëri dhe me civilitet. Ne kaluam primaret për drejtuesit tanë, ajo ishte një eksperiencë e shkëlqyer, me përjashtime të rralla. Nuk krijuan çarje apo hatërmbetje të pariparueshme”, deklaroi kreu i PD.
