Ish-i dërguari i Posaçëm për dialogun ndërmjet Beogradit dhe Prishtinës, Richard Grenell ka reaguar për situatën e krijuar në veri të Kosovës.
Me anë të një postimi në rrjetet sociale ai shkruan se barrikadat e vendosura duhet të hiqen menjëherë, teksa bën thirrje që Albin Kurti të japë urdhër që të lihen të lirë serbët e arrestuar. Grenell ndër të tjera ai u ka bërë thirrje europianëve që të ndryshojnë drejtimet e strategjisë së tyre Kosovë-Serbi, teksa kërkon që të lirohet edhe Hashim Thaçi.
“U bëj thirrje evropianëve që të ndryshojnë drejtimet e strategjisë së tyre Kosovë-Serbi. Ata NUK po e ndihmojnë krizën ballkanike – po e përkeqësojnë atë me ndërhyrjet e tyre të njëanshme dhe të çrregullta. Dhe lironi Hashim Thaçin menjëherë nga Haga. Albin Kurti duhet të lirohen serbët e ndaluar, të hapen të gjitha vendkalimet dhe të hiqen të gjitha barrikadat – njëkohësisht. Dhe nëse Kurti nuk e bën këtë menjëherë, atëherë SHBA duhet të ndalojë çdo ndihmë. Nuk duhet të mbështesim dikë që krijon terror” shkruan Grenell.