Dashnor Memaj, kreu i shoqatës urbane dhe interurbane është shprehur se 25% e shoferëve e urbanëve në Tiranë janë larguar.
I ftuar në emisionin “Good Morning Albanians” në Euronews Albania, ai tha se për largimin e tyre kanë ndikuar shumë faktorë por një nga arsyet kryesore ka qenë paga e ulët.
Më tej ai tha se në të gjithë Shqipërinë transporti publik ka nevojë për mbi 1500 punëtorë.
“Një problem tjetër ka qenë mungesa e stafit të punës, kryesisht shoferë. Pjesa më e madhe e tyre gjetën punë alternative dhe u larguan. I gjithë territori i Shqipërisë ka nevojë për mbi 1500 punëtorë. Shoferët janë më shumë problem për ne. 20-25 % e shoferëve të transportit publik janë larguar. Natyrisht kjo lidhet me disa faktorë ku më i rëndësishëm është paga”, tha ai.
