Kreu i Partisë Demokratike, Sali Berisha i ka bërë thirrje Shteteve të Bashkuara të Amerikës dhe Bashkimit Europian që të reagojnë dhe të ndërhyjnë për të ndaluar sulmet që Qeveria e Edi Ramës po bën ndaj medias së lirë në Shqipëri, duke përmendur rastin e shembjes së “Prestige Resort”.
“Skandali këtu nuk i lë kohë skandalit tjetër, jeni dëshmitarë të një barbarie të një akti të pashembullt kundër një medie, të shkatërrimit të një resori turistik, i cili me gjithë dokumentacionin figuron me leje, bëhet nga një armik i egër i fjalës së lirë, një bastard, pinjoll i xhelatit, që firmoi varjen në litar të Hazi Nelës, nga nip i Spiro Kolenës!
Sulmi ndaj Prestige Resort bëhet nga një armik i medias së lirë. Bëhet në prag të një samiti, i cili për definicion duhet të rrezatojë vlera evropiane. Bëhet kjo ditën e vizitës së presidentit gjerman.
Urrejtja e këtij njeriu, nuk kufizohet me asgjë. Ky udhëhiqet nga fakultetet mendore më primitive të njeriut.
Nuk kam shkelur kurrë në atë resort, janë zhgërryer dhe kanë festuar dhjetëra e dhjetëra herë. Edi Rama me gjithë suitën e tij.
Por kjo që ndodh është një nga aktet më të shëmtuara nga një autokrat, nga një Lukashenko i vërtetë. Edhe ai nuk do sillej në këtë mënyrë.
Thirrja ime për të gjithë liderët e BE, për KE, për Kongresin e SHBA dhe qeverinë e SHBA, të ndalin çfarë po ndodh në Shqipëri”, tha Berisha.
