Kryeministri Edi Rama ka përgënjeshtruar lajmin e djeshëm ku mediat raportuan se data 6 dhjetor është shpallur ditë pushimi nga qeveria.
Pas mbledhjes së qeverisë, Rama theksoi se ky është një lajm i rremë pasi ditën e Samitit të BE-së do të jetë ditë e zakonshme pune. Ndërsa në lidhje me refuzimin e kërkesës së opozitës për të protestuar përballë Kryeministrisë, Rama tha se ky është një protokoll që zbatohet gjithmonë kudo ku shkojnë liderët europianë.
6 dhjetori është ditë pushimi? “Nuk është marrë asnjë vendim! Nuk është ditë pushimi pasi është një lajm i rreme që ka qarkulluar në media. Puna do të vazhdoje, masat e sigurisë nuk negociohen me askënd, vendosen bazuar në rregullat e vendosura nga vetë KiE që kudo ku zhvilojnë aktiviteet kanë masa standarde. Forcat Tona të sigurisë punojnë me organizatorët e samitit që janë në KiE për masat e sigurisë. Këto nuk janë çështje opinionesh, janë masa shumë të rrepta sigurie së më tepër në situatën kur këtu do të vijnë të gjithë liderët e BE dhe për ta ka masa ekstreme sigurie”, tha Rama.
