Ambasadorja e Bashkimit Evropian në Shqipëri Christiane Hohmann ka vizituar ditën e sotme Shkodrën. Mësohet se ambasadorja gjatë vizitës së saj ka theksuar se ata janë të gathëm që të ndihmojnë në kapërcimin e situatës. Po ashtu ambasadorja Hohmann ka shtuar se Bashkia ka kërkuar gjithashtu masa paraprake që kjo mos të ndodhte.
“Jemi këtu për t’ju ndihmuar për të rritur kapacitetet. Bashkia ka kërkuar masa paraprake që një gjë e tillë të mos ndodhë,” tha Hohmann.
Qarqet Lezhë, Durrës dhe Shkodër kanë qenë më të prekurat nga përmbytjet si pasojë e reshjeve intensive të shiut. Mijëra hektarë tokë u përmbytën, dhjetëra banesa gjithashtu ishin nën ujë, ndërsa dëmet në familjet e këtyre zonave ishin kolosale. Po ashtu fatkeqësisht nga përmbytjet kanë humbur jetën edhe dy persona, babë e bir.
