Afera e portit të Durrësit ishte në vëmendje të një deklarate për mediat dhënë sot nga kryedemokrati Sali Berisha, i cili ka denoncuar kalimin e 1 milionë metër katrorë tokë te duart e vëllezërve Kariç me firmë të Edi Ramës.
Teksa bëri thirrje për të shembur qeverinë moniste, kreu i PD paralajmëroi publikimin ne një kohë të afërt të dokumenteve false që do të hedhin dritë mbi skandalin e grabitjes nga kryeministri të portit të Durrësit.
Por, Berisha për të parën herë artikuloi se në skandalin që lidhet me projektin milionësh të “Durrës Yacht Marina” është i përfshirë edhe ish-kreu i Partisë Demokratike, Lulzim Basha.
“Ka vjedhur 420 milionë euro me firmën e tij për ndërmarrjen e tij të djegësve, dhe mbyll djegësin e Elbasanit me SKAPIN e tij. Vërsulet i tërbuar për të vjedhur 1 milion metër katrorë tokë, me një sipërmarrje. Shumë shpejt do njiheni me dokumente false, 60% të aksionerëve janë thjeshtë Edi Rama dhe Lulzim Brava e mafiozë rreth tyre, ndaj dhe emrat nuk thuhen dhe po organizojnë vjedhjen më të tmerrshme që Durrësi ka njohur. Por ne do i dalim zot”, tha Berisha.
