Nënkryetari i Partisë Demokratike Luçiano Boçi ka deklaruar se deputetet Paloka e Leskaj nuk ishin të dehur dje në protestë por të zemëruar.
Me anë të një postimi në Facebook, Boçi u shpreh se ata ishin të mbushur me zemërim dhe shfrynë dufin ndaj një kryeministri të pacitë e arrogant të neveritshëm. Po ashtu ai theksoi se zemërimi i Palokës dhe Leskajt ishte një shprehje e zemërimit mbarëpopullor që do derdhet nesër shesheve të Tiranës
Postimi i Plotë:
“Nuk ishin të dehur, ishin të zemëruar Paloka dhe Leskaj nuk ishin të dehur siç mërmërit Rama. Aspak! Ishin deri në fyt të mbushur me zemërim e shfrynë dufin e reagimit të ligjshëm dhe jo vetëm te tyrin, ndaj një Kryeministri gojëndotës, të pacipë dhe arrogant të neveritshëm. Ata nuk u poqën me Ramën rastësisht si të panjohur në rrugë që të akuzohen paturpësisht se kishin marrë alkol. Ballafaqimi me të ishte ngjarje që do ndodhte dhe pritja u shkaktua nga sjellja e Ramës. Shkaktari i zemërimit të tyre ishte vetë Kryeministri banal, i cili nuk ndalet të përdorë fjalor linçues ndaj opozitës. Pse habitet Rama? A e di ai se çfarë urrejtje vlon për të në ambientet përtej parlamentit, në të cilat reagimi i Palokës dhe Leskajt do dukej si përkëdhelje?!!!!
Dhe pse shan kaq shumë Rama? Shan, se i shari të shan – thotë populli! Shan, sepse kërkon, pa pasur turp nga turpi, të mbulojë ngjarjet korruptive! Shan, sepse brenda tij ka një dëshirë perverse të shahet nga të tjerët! Shan, sepse sharjen e ka aleaten e vetë më besnike. Por përgjigjen e mori siç e meritonte, Me të njejtën monedhë! E mori në proporcion të drejte me ato që kishtë vjellë nga goja një ditë më parë, ditë të tëra më parë, muaj e vite me rradhë. E meritonte dhe me ashpër madje, por le t’i shërbejë si mësim për t’i vënë gishtin kokës e për të mos cënuar opozitën, qytetarët, madje dhe të tijët. Zemërimi i Palokës dhe Leskajt nuk ishte zemërim i çastit dhe as i vetes së tyre. Ai është shprehje në një formë ndryshe e zemërimit mbarëpopullor që do derdhet nesër shesheve të Tiranës”.